បាល់ទាត់អន្តរជាតិ
Luis Suarez បញ្ជាក់ថា ខ្លួននឹងចូលនិវត្តន៍ពីបាល់ទាត់នៅក្លឹបមួយនេះ!!!
អតីតតារាឆ្នើមរបស់ក្លឹប Barcelona គឺកីឡាករ Luis Suarez បានសម្រេចចិត្តចូលរួមជាមួយក្លឹប Inter Miami នៅចុងឆ្នាំ 2023 កន្លងទៅ ដែលជាកន្លែងគាត់បានជួបជុំជាមួយអតីតមិត្តចិត្តមួយថ្លើមមួយរបស់ខ្លួន Lionel Messi។ ស្របពេលជាមួយគ្នានេះ Suarez ក៏កំពុងមានគម្រោងចូលនិវត្តន៍ផងដែរ។
ក្នុងវ័យ 37 ឆ្នាំ Luis Suarez បានចុះកុងត្រាជាមួយក្លឹប Inter Miami របស់អាមេរិក ត្រឹមតែរយៈពេល 12 ខែប៉ុណ្ណោះ ដែលនេះទំនងជាពេលវេលាចុងក្រោយនៃអាជីពបាល់ទាត់របស់គាត់ហើយ។ ថ្វីត្បិតតែបច្ចុប្បន្នទម្រង់លេងរបស់ Luis Suarez ហាក់មានការធ្លាក់ចុះខ្លាំង តែគាត់ជាអតីតកីឡាករដែលធ្លាប់លេងឲ្យក្លឹបធំៗជាច្រើនដូចជា Liverpool, Barcelona និង Atletico Madrid ជាដើម។
ជាក់ស្ដែងខ្សែប្រយុទ្ធឆ្នើមសញ្ជាតិអ៊ុយរូហ្គាយរូបនេះបានបង្ហើបឲ្យដឹងថា ក្លឹប Inter Miami នឹងក្លាយជាក្លឹបចុងក្រោយនៃអាជីពបាល់ទាត់របស់គាត់ហើយ។ យោងតាមសម្ដីដែលបានដកស្រង់ដោយ Diario AS កាលពីពេលថ្មីៗនេះ Suarez បាននិយាយថា៖ “កាលបរិច្ឆេទនៃការចូលនិវត្តន៍មិនទាន់ត្រូវបានកំណត់ទេ ប៉ុន្តែ Inter Miami គឺជាចំណុចចុងក្រោយ។ ខ្ញុំត្រៀមខ្លួនរួចជាស្រេច សម្រាប់ការប្រកួតប្រជែងចុងក្រោយនេះ…”។
ប្រភព: Dailysports
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
Galeno សម្រេចចិត្តចាកចេញទៅលេងនៅទឹកដីអារ៉ាប៊ីសាអូឌីត ក្នុងវ័យ 27 ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
