បាល់ទាត់អន្តរជាតិ
Inter Milan កំពុងមានភាពលេចធ្លោរខ្លាំង ខណៈដែលប្រកួតបន្ទាប់ត្រូវប៉ះជាមួយក្រុមពូកែទប់ Atletico Madrid
ក្លឹប Inter Milan ដែលបច្ចុប្បន្នកំពុងកាន់កាប់តំណែងកំពូលតារាងនៅ Serie A របស់អ៊ីតាលី និងត្រូវជួបស្វាគមន៍ក្រុមភ្ញៀវ Atletico Madrid នៅរំលងអាធ្រាតថ្ងៃស្អែកនេះ ដែលជាការប្រកួតក្នុងក្របខណ្ឌ UEFA Champions League វគ្គ 16 ក្រុមចុងក្រោយជើងទី 1។
ជាមួយនឹងភាគរយខ្ពស់ក្នុងការឈ្នះពាន Serie A នៅរដូវកាលនេះ Inter Milan ចាញ់តែ 1 ប្រកួតប៉ុណ្ណោះ ក្នុងចំណោមប្រកួតសរុបទាំង 24 លើករបស់ពួកគេ នៅក្របខណ្ឌលីគកំពូល។ ក្លឹបយក្សរបស់អ៊ីតាលីមួយនេះ នៅតែមានទម្រង់លេងដ៏ល្អ ខណៈដែលកាលពីរដូវកាលមុនពួកគេស្ទើរតែមានឱកាសឈ្នះពាន UCL ទៅហើយ តែបានបរាជ័យក្រោមថ្វីជើងរបស់ Man City នៅវគ្គផ្ដាច់ព្រ័ត។
ដោយឡែកសម្រាប់ Atletico Madrid បច្ចុប្បន្ននេះ មានទម្រង់លេងមិនសូវខុសគ្នាប៉ុន្មានឡើយកាលពីរដូវកាលមុន និងកំពុងកាន់កាប់តំណែងលេខ 4 ក្នុងតារាងលីគកំពូលរបស់អេស្ប៉ាញ La Liga។ ទោះជាយ៉ាងណាក៏ដោយ ពួកគេធ្វើបានយ៉ាងល្អនៅក្នុងការប្រកួតវគ្គចែកពូល UEFA Champions League ដោយមិនចាញ់សោះ និងកាន់កាប់តំណែងកំពូលតារាងក្នុងពូល។
ជាមួយនឹងទម្រង់លេងរបស់ Atletico Madrid ដែលពូកែលេងទប់នោះ Inter Milan ប្រហែលជាពិបាកក្នុងការស្វែងរកជ័យជំនះបន្តិច។ យ៉ាងណាក្រុមទាំង 2 នេះត្រូវបានមជ្ឈដ្ឋានបាល់ទាត់មើលឃើញថា មានគីឡូស្មើគ្នា ដែលអាចស៊ីសងគ្នាបាននៅវគ្គ 16 ក្រុមចុងក្រោយនេះ។
ប្រភព: Thehindu
-
បាល់ទាត់អន្តរជាតិ2 days ago
Chelsea ត្រៀមបើកច្រកផ្លូវឲ្យកីឡាករដែលមានប្រាក់ខែខ្ពស់មួយរូបចាកចេញ នៅរដូវក្ដៅនេះ
-
បាល់ទាត់អន្តរជាតិ2 days ago
Van Dijk គាំទ្រចង់ឲ្យគ្រូបង្វឹករូបនេះ មកដឹកនាំនៅ Liverpool រដូវកាលក្រោយ!!!
-
បាល់ទាត់អន្តរជាតិ2 days ago
កីឡាករសំខាន់ 2 រូបរបស់ Man City នឹងអវត្តមានក្នុងការប្រកួតទល់នឹង Brighton នៅរំលងអាធ្រាតនេះ!!!