បាល់ទាត់អន្តរជាតិ
Sergi Roberto បដិសេធមិនចូលរួមជាមួយក្លឹបនៅអារ៉ាប៊ីសាអូឌីត ដោយសារហេតុផលសំខាន់មួយ
កីឡាកររបស់ Barcelona ជាច្រើនកំពុងស្ថិតក្នុងទីផ្សារនៃការចង់បានពីក្លឹបរបស់អារ៉ាប៊ីសាអូឌីត ស្របពេលដែលកីឡាករមួយចំនួនក៏ត្រៀមនឹងផុតកុងត្រា ដើម្បីចាកចេញពីក្លឹបដោយគ្មានតម្លៃខ្លួនជាចុងបញ្ចប់នៃរដូវកាលនេះផងដែរ។ ទោះជាយ៉ាងណា កីឡាកររបស់ Barcelona ភាគច្រើនមិនចង់ផ្លាស់ទៅមជ្ឈិមបូព៌ាទេ។
យោងតាមការចុះផ្សាយរបស់ Mundo Deportivo បានឲ្យដឹងថា ខ្សែបម្រើ Sergi Roberto គឺជាកីឡាករម្នាក់របស់ Barcelona ដែលទើបនឹងបានបដិសេធឱកាស ក្នុងការផ្ទេរទៅកាន់ប្រទេសអារ៉ាប៊ីសាអូឌីត ដោយមានហេតុផលមួយដ៏សំខាន់ ដែលហេតុផលនោះមិនពាក់ព័ន្ធនឹងកីឡាបាល់ទាត់ឡើយ។
មូលហេតុ គឺដោយសារភរិយារបស់ Roberto គឺអ្នកនាង Coral Simanovich បើទោះបីជានាងជាតារាម៉ូដែលជនជាតិអាមេរិក ប៉ុន្តែមានដើមកំណើតជាជនជាតិអ៊ីស្រាអែល ដោយពួកគេជាប់ទាក់ទងនឹងជម្លោះនៅតំបន់ហ្គាហ្សា ដែលបានចាប់ផ្តើមកាលពីខែតុលា ឆ្នាំមុន ហើយមិនអាចធានាសុវត្ថិភាពដល់គ្រួសាររបស់ Sergi Roberto នៅក្នុងប្រទេសអារ៉ាប៊ីសាអូឌីតបានទេ។
ប្រភព: Dailysports
-
បាល់ទាត់អន្តរជាតិ1 day ago
គ្រូ PSG ប្រាប់ឲ្យក្លឹបរបស់ខ្លួនបន្តកុងត្រាថ្មីបន្ថែមទៀតដល់ Vitinha
-
បាល់ទាត់អន្តរជាតិ2 days ago
ខ្លះៗអំពីការប្រកួតរវាង Bayern Munich និង Real Madrid នៅរំលងអាធ្រាតនេះ!!!
-
បាល់ទាត់អន្តរជាតិ2 days ago
Vinicius Jr ស៊ុត 2 គ្រាប់ម្នាក់ឯង ជួយ Real Madrid ឲ្យស្មើក្នុងដី Bayern Munich (មានវីដេអូ)