បាល់ទាត់អន្តរជាតិ
Barcelona បោះបង់ការចង់បាន Mason Greenwood
ខ្សែប្រយុទ្ធឆ្នើម Mason Greenwood របស់ក្លឹបបិសាចក្រហម Manchester United ដែលបច្ចុប្បន្នកំពុងខ្ចីជើងនៅ Getafe មិនមែនជាផ្នែកមួយនៃគោលដៅផ្ទេររបស់ Barcelona នៅចុងបញ្ចប់នៃរដូវកាលនេះឡើយ។ ដូចដែលបានរាយការណ៍ដោយលោក Fabrizio Romano បានឲ្យដឹងថា ក្លឹបយក្សកាតាឡាន់ កំពុងច្រានចោលជម្រើសផ្ទេរ Greenwood ហើយផ្តោតអារម្មណ៍របស់ពួកគេទៅលើគោលដៅផ្សេងជំនួសវិញ។
ទោះជាយ៉ាងណាក៏ដោយ Manchester United ត្រូវបានគេដឹងថា មានការសម្រេចចិត្តច្បាស់លាស់ហើយក្នុងការដាក់លក់កីឡាករសញ្ជាតិអង់គ្លេសរូបនេះ ហើយពួកគេកំពុងស្វែងរកអ្នកដែលចង់ទិញគាត់នៅចុងបញ្ចប់នៃរដូវកាលខាងមុខ។ កីឡាករវ័យ 22 ឆ្នាំរូបនេះធ្លាប់បង្ហើបដែរថា ខ្លួនពេញចិត្តនឹងជីវិតស្នាក់នៅក្នុងប្រទេសអេស្ប៉ាញ ហើយមិនមានគម្រោងត្រឡប់ទៅប្រទេសអង់គ្លេសវិញឡើយ។
គួររំលឹកផងដែរថា ក្នុងខែកុម្ភៈ ឆ្នាំ 2022 Greenwood ត្រូវបានគេដោះលែងឲ្យនៅក្រៅឃុំ បន្ទាប់ពីការចោទប្រកាន់រំលោភបំពានផ្លូវភេទលើមិត្តស្រីរបស់ខ្លួន។ មួយឆ្នាំក្រោយមក តុលាការបានប្រកាសថា ការចោទប្រកាន់ទាំងអស់លើ Greenwood ត្រូវបានបោះចោល ហើយបន្តមកទៀត ទើបគាត់ត្រូវបានក្លឹបបិសាចក្រហមដាក់ឲ្យខ្ចីជើងទៅ Getafe។
ប្រភព: Dailysports
-
បាល់ទាត់អន្តរជាតិ1 day ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ2 days ago
Kroos ប្រាប់ពីវិធីដែល Carlo Ancelotti កុហកកីឡាកររបស់ខ្លួន
-
បាល់ទាត់អន្តរជាតិ2 days ago
សហព័ន្ធកីឡាបាល់ទាត់នៃប្រទេសកាណាដា កំពុងទាក់ទងទៅអតីតគ្រូបង្វឹករបស់ Man United