បាល់ទាត់អន្តរជាតិ
ឃើញយក Lamin Yamal មកល្អ ពេលនេះ Barcelona ត្រៀមប្រម៉ូតកីឡាករវ័យក្មេងម្នាក់ទៀតឲ្យមកលេងជាមួយឈុតធំ
គ្រូបង្វឹក និងថ្នាក់ដឹកនាំរបស់ក្លឹបអ្នកមានបុណ្យ Barcelona កំពុងតាមឃ្លាំមើលកីឡាករ Sama Nomoko ដែលកំពុងរីកចម្រើនយ៉ាងខ្លាំង នៅក្នុងឈុតយុវជនរបស់ក្លឹប។ កីឡាករវ័យ 16 ឆ្នាំរូបនេះលេងក្នុងតំណែងជាខ្សែប្រយុទ្ធស្លាប និងបច្ចុប្បន្នកំពុងស្ថិតនៅក្នុងក្រុម U-18 របស់ Barcelona។
ក្នុងអំឡុងពេល Sama Nomoko លេងនៅឈុត U-17 គាត់បានបង្ហាញពីទម្រង់លេងដ៏អស្ចារ្យនៅក្នុងការប្រកួត RO16 Cup ទល់នឹងក្រុម BCN Sports Academy។ នៅក្នុងការប្រកួតនោះ គេបានស៊ុតបញ្ចូលទី 2 គ្រាប់ រួមជាមួយនឹងការ Assists 8 ដង ក្នុងចំនួនគ្រាប់បាល់ដែលក្រុមរបស់ខ្លួនបានស៊ុតបញ្ចូលទីរហូតដល់ 10 គ្រាប់។
គេបានផ្ដល់រហស្សនាមឲ្យ Sama Nomoko ថា “Gazelle” (សត្វក្ដាន់) ដោយសារគេមានល្បឿនលឿន។ កីឡាករឆ្នើមរូបនេះកំពុងមានឱកាសខ្ពស់ក្នុងការប្រូម៉ូតឡើងមកលេងជាមួយក្រុមឈុតធំរបស់ក្លឹប Barcelona។ កាលពីពេលថ្មីៗកន្លងទៅ លោក Bojan Krkic ដែលជាអតីតកីឡាកររបស់ក្លឹប Barcelona និងជានាយកផ្នែកកីឡាបច្ចុប្បន្ន បានចូលរួមទស្សនាការប្រកួតរបស់ Nomoko ដោយផ្ទាល់ ដើម្បីវាយតម្លៃលើសមត្ថភាពរបស់គាត់។
ប្រភព: Dailysports