បាល់ទាត់អន្តរជាតិ
Xavi ស្នើឲ្យក្លឹបចុះហត្ថលេខាលើកីឡាករឆ្នើម 2 រូប ប្រសិនបើចង់ឲ្យគាត់នៅដឹកនាំបន្ត
ប្រធានក្លឹប និងថ្នាក់លើរបស់ Barcelona បន្តសង្ឃឹមថា អាចផ្លាស់ប្ដូរចិត្តគ្រូបង្វឹកលោក Xavi Hernandez ឲ្យបន្តនៅជាមួយក្លឹបសម្រាប់រដូវកាលក្រោយទៀត។ ទោះជាយ៉ាងណាក៏ដោយ យោងតាមសេចក្ដីរាយការណ៍ដោយ Mundo Deportivo បានអះអាងថា ដើម្បីអាចឲ្យគ្រូបង្វឹកសញ្ជាតិអេស្ប៉ាញរូបនេះនៅដឹកនាំទៀតបាន ក្លឹបចាំបាច់ត្រូវរៀបចំក្រុមឡើងវិញ ដោយចំណាយប្រាក់ច្រើនក្នុងទីផ្សារដោះដូរកីឡាករនាចុងបញ្ចប់នៃរដូវកាលខាងមុខ។
គេបានដឹងថា Xavi Hernandez មិនចង់ដឹកនាំការប្រកួតសំខាន់ៗរបស់ខ្លួន ដោយត្រូវពឹងផ្អែកទៅលើកីឡាករវ័យក្មេងច្រើនពេកនោះទេ ដូច្នេះហើយគាត់នឹងទាមទារឲ្យមានការផ្ទេរកីឡាករដែលមានទេពកោសល្យកម្រិតខ្ពស់ យ៉ាងហោចណាស់ 2 នាក់។
បេក្ខភាពទី 1 ដែលគ្រូបង្វឹក Barcelona រូបនេះចង់ឲ្យក្លឹបចុះហត្ថលេខានាំយកមកនោះគឺ Bernardo Silva របស់ក្លឹប Manchester City។ កុងត្រារបស់ខ្សែបម្រើប្រយុទ្ធ Bernardo Silva ជាមួយក្លឹបបច្ចុប្បន្នរបស់ខ្លួនមានសុពលភាពរហូតដល់ឆ្នាំ 2026 ដែលមានតម្លៃលក់ចេញ 50 លានអឺរ៉ូ។
បេក្ខភាពទី 2 គឺ Xavi ចង់បានការចុះហត្ថលេខាលើខ្សែបម្រើកណ្តាលថ្មីម្នាក់ទៀត ដែលអាចជំនួស Sergio Busquets បាន។ គ្រូបង្វឹករបស់ក្លឹបកាតាឡាន់រូបនេះ សម្លឹងមើលកីឡាករ 2 រូបគឺ Joshua Kimmich របស់ក្លឹបយក្សអាឡឺម៉ង់ Bayern Munich រឺ Martin Zubimendi របស់ក្លឹប Real Sociedad។
ប្រភព: Dailysports
កំពុងឡើងជើងខ្លាំង និងត្រូវបានក្លឹបធំៗចាប់អារម្មណ៍ផងនោះ កីឡាកររូបនេះបែរជាត្រូវសម្រាកពីបាល់ទាត់រយៈពេល 1 ឆ្នាំ
Inter Miami កំពុងចរចាផ្ទេរមិត្តរួមក្រុមជម្រើសជាតិអាហ្សង់ទីនរបស់ Messi
Michael Owen អះអាងថា រវាង Real Madrid និង Bayern Munich នឹងមានមួយក្រុម ដែលឈ្នះពាន UCL រដូវកាលនេះ!!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
