បាល់ទាត់អន្តរជាតិ
Jamie Vardy សម្រេចចិត្តបន្តកុងត្រាថ្មីជាមួយ Leicester City
ក្លឹបកញ្ជ្រោងខៀវ Leicester City ទើបតែបានឈ្នះ Championship ដែលជាពានលីគលំដាប់ទី 2 របស់អង់គ្លេស និងធ្វើឲ្យពួកគេធានាបានកៅអីដើម្បីវិលត្រឡប់មកកាន់លីគកំពូល Premier League វិញ។ រដូវកាលក្រោយ Leicester City នឹងប្រកួតប្រជែង នៅលីគកម្រិតកំពូលនៃប្រទេសអង់គ្លេស។
ស្របពេលជាមួយគ្នានេះដែរ កាលពីម្សិលមិញ Leicester City បានប្រកាសនៅលើបណ្តាញសង្គមរបស់ពួកគេថា ខ្សែប្រយុទ្ធជើងចាស់ Jamie Vardy បានបន្តកុងត្រាថ្មី ដែលកុងត្រានោះនឹងធ្វើឲ្យកីឡាករសញ្ជាតិអង់គ្លេសរូបនេះ ស្នាក់នៅជាមួយពួកគេរហូតដល់រដូវក្តៅឆ្នាំ 2025។
គួរដឹងផងដែរថា Jamie Vardy បានស៊ុតបញ្ចូលទី 20 គ្រាប់សម្រាប់ក្លឹបរបស់ខ្លួនក្នុងរដូវកាល 2023/2024។ បច្ចុប្បន្នគាត់ គឺជាកីឡាករទី 3 ដែលស៊ុតបញ្ចូលទីបានច្រើនជាងគេក្នុងប្រវត្តិសាស្ត្រក្លឹប Leicester City ដោយរកបានគ្រាប់បាល់សរុប 190 គ្រាប់។ Jamie Vardy បានចំណាយពេលជាច្រើននៃអាជីពបាល់ទាត់របស់ខ្លួន ជាមួយនឹង Leicester City ហើយគាត់ក៏ធ្លាប់បានឈ្នះពាន Premier League, Emirates FA Cup, FA Community Shield និងជាច្រើនទៀត ជាមួយក្លឹបអង់គ្លេសមួយនេះផងដែរ។
ប្រភព: Dailysports
-
បាល់ទាត់អន្តរជាតិ3 days ago
ផ្លូវការណ៍៖ Aston Villa ប្រកាសចុះហត្ថលេខាលើខ្សែបម្រើ Ross Barkley
-
បាល់ទាត់អន្តរជាតិ4 days ago
Luciano Spalletti នឹងមិនត្រូវបណ្ដេញចេញពីតំណែងជាគ្រូបង្វឹកក្រុមជម្រើសជាតិអ៊ីតាលីទេ ទោះមានស្ថិតិនៃការដឹកនាំមិនសូវល្អក៏ដោយ
-
បាល់ទាត់អន្តរជាតិ3 days ago
Cristiano Ronaldo ប៉េណាល់ទីអត់ចូល ប៉ុន្តែព័រទុយហ្គាល់ នៅតែឡើងទៅវគ្គ 8 ក្រុមចុងក្រោយ