បាល់ទាត់អន្តរជាតិ
Real Madrid ចាប់អារម្មណ៍លើខ្សែការពារកណ្ដាលរបស់ក្រុមជម្រើសជាតិអង់គ្លេស Marc Guehi
ក្លឹបអធិរាជស Real Madrid ត្រូវបានគេអះអាងថា គឺជាក្លឹបមួយក្នុងចំណោមក្លឹបធំៗនៅតំបន់អឺរ៉ុបចំនួន 3 ដែលត្រៀមប្រជែងគ្នាដើម្បីចុះហត្ថលេខាលើខ្សែការពារ Marc Guehi របស់ក្លឹប Crystal Palace។ បច្ចុប្បន្នខ្សែការពារកណ្ដាលរូបនេះ កំពុងបំពេញកាតព្វកិច្ចដ៏សំខាន់ ជាមួយក្រុមជម្រើសជាតិអង់គ្លេសរបស់ខ្លួននៅក្នុងព្រឹត្តិការណ៍ Euro 2024។
កាលពីដើមឆ្នាំនេះ ខ្សែការពារ Marc Guehi បានចំណាយពេល 3 ខែនៅក្រៅទីលានដោយសាររបួស ហើយត្រូវបានគេគិតថា គាត់នឹងខកខានមិនបានលេងឲ្យក្រុមជម្រើសជាតិអង់គ្លេសនៅ Euro 2024 ឡើយ។ ទោះជាយ៉ាងណា គាត់បានបង្ហាញសមត្ថភាពនៅក្នុងការប្រកួតចុងក្រោយរបស់ក្លឹប Crystal Palace ហើយស្របពេលជាមួយគ្នានោះ Harry Maguire បានរងរបួស ដែលធ្វើឲ្យគាត់ទទួលបានឱកាសដ៏ធំ ក្នុងការកោះហៅពីលោក Gareth Southgate។
មិនខុសពីការរំពឹងទុក Marc Guehi គឺជាកីឡាករដែលមានទម្រង់លេងដ៏ល្អបំផុតម្នាក់របស់ប្រទេសអង់គ្លេស ដោយគាត់បានចាប់ផ្តើមការប្រកួតតាំងពីវគ្គចែកពូលរហូតដល់វគ្គ 16 ក្រុមចុងក្រោយ។ ដោយឡែកគេបានរាយការណ៍ថា ក្លឹបបិសាចក្រហម Manchester United និង Liverpool មានការចាប់អារម្មណ៍ និងកោតសរសើរទម្រង់លេងរបស់កីឡាករឆ្នើមរូបនេះជាខ្លាំង ដោយចង់ចុះហត្ថលេខាលើគេនៅរដូវក្ដៅនេះ។
យ៉ាងណា យោងតាមកាសែត The Sun បានអះអាងថា ពេលនេះមានបេក្ខភាពក្លឹបធំមួយផ្សេងទៀតគឺ Real Madrid កំពុងគិតពីការចង់បាន Marc Guehi ដែរ។ គេបានដឹងថា Real Madrid ចង់នាំយកកីឡាករវ័យ 23 ឆ្នាំរូបនេះ មកជំនួស Nacho Fernandez ដែលទើបចាកចេញទៅលេងនៅលីគអារ៉ាប៊ីសាអូឌីត កាលពីពេលថ្មីៗកន្លងទៅ។
ប្រភព: Sportsmole
-
បាល់ទាត់អន្តរជាតិ5 days ago
ផ្លូវការណ៍៖ Aston Villa ប្រកាសចុះហត្ថលេខាលើខ្សែបម្រើ Ross Barkley
-
បាល់ទាត់អន្តរជាតិ3 days ago
UEFA កំពុងស៊ើបអង្កេតលើ Demiral ដែលធ្វើរឿងមិនប្រក្រតីមួយនៅក្នុងការប្រកួតទល់នឹងអូទ្រីស
-
បាល់ទាត់អន្តរជាតិ5 days ago
Cristiano Ronaldo ប៉េណាល់ទីអត់ចូល ប៉ុន្តែព័រទុយហ្គាល់ នៅតែឡើងទៅវគ្គ 8 ក្រុមចុងក្រោយ