បាល់ទាត់អន្តរជាតិ
បិសាចក្រហម ត្រៀមចាយ 60 លានអឺរ៉ូ ដើម្បីចុះហត្ថលេខាលើកីឡាករឆ្នើមមួយរូបរបស់ក្លឹប Atalanta BC
ក្លឹបបិសាចក្រហម Manchester United ត្រូវបានគេរាយការណ៍ថា បានត្រៀមខ្លួនក្នុងការចំណាយជិត 60 លានផោន ដើម្បីឈ្នះការប្រជែងយកខ្សែបម្រើឆ្នើមប្រចាំទឹកដី Serie A។ យ៉ាងណាមិញកីឡាករដែល បិសាចក្រហមដាក់គោលដៅចង់បាននោះគឺ Teun Koopmeiners របស់ក្លឹប Atalanta BC។
ខ្សែបម្រើសញ្ជាតិហូឡង់ Teun Koopmeiners នឹងមានភាគរយខ្ពស់បំផុតក្នុងការចាកចេញពីទឹកដីអ៊ីតាលី ដើម្បីផ្ទេរមកកាន់ក្របខណ្ឌកំពូលរបស់អង់គ្លេស ព្រោះក្លឹបធំៗជាច្រើនរបស់ Premier League កំពុងទាក់ទងចង់បានគេ។ កាលពីរដូវកាលមុន (2023-2024) Teun Koopmeiners បានក្លាយជាចំណែកមួយដ៏សំខាន់ ក្នុងការជួយក្លឹបរបស់ខ្លួនឲ្យដណ្ដើមបានពាន Europa League ដោយលត់ Bayer Leverkusen 3-0 ក្នុងវគ្គផ្ដាច់ព្រ័ត។
ទោះបីជាមានកុងត្រាជាមួយ Atalanta BC រហូតដល់រដូវក្តៅឆ្នាំ 2027 ក៏ដោយ Koopmeiners ទំនងជាត្រូវបានលក់ក្នុងតម្លៃដ៏ខ្ពស់មួយ ក្នុងរយៈពេលប៉ុន្មានសប្តាហ៍ខាងមុខនេះ ហើយបើយោងតាមរបាយការណ៍ពី Calciomercato បានឲ្យដឹងថា Man United បានត្រៀមខ្លួនរួចជាស្រេច ដើម្បីដាក់សំណើរទៅកាន់ក្លឹប Atalanta។ ពួកគេនឹងដាក់ដេញថ្លៃយ៉ាងហោចណាស់ 60 លានអឺរ៉ូ (51 លានផោន) ហើយការដេញថ្លៃនោះនឹងអាចឡើងដល់ 70 លានអឺរ៉ូ (59.6 លានផោន) ផងដែរ។
ប្រភព: Sportsmole
-
បាល់ទាត់អន្តរជាតិ5 days ago
Kylian Mbappe ស៊ុតគ្រាប់បាល់លើកដំបូង នៅក្នុងព្រឹត្តិការណ៍ Euro
-
បាល់ទាត់អន្តរជាតិ5 days ago
Napoli ឈានដល់កិច្ចព្រមព្រៀងខ្ចីជើងខ្សែការពារមួយរូបរបស់ក្លឹប Real Madrid
-
បាល់ទាត់អន្តរជាតិ2 days ago
Man City ចង់ចុះហត្ថលេខានាំយកខ្សែប្រយុទ្ធស្លាប Jadon Sancho ត្រឡប់ទៅវិញ