បាល់ទាត់អន្តរជាតិ
Aleix Garcia សម្រេចចិត្តចូលរួមជាមួយក្លឹប Bayer Leverkusen
ក្លឹបម្ចាស់ជើងឯកអាឡឺម៉ង់ Bayer Leverkusen កំពុងខិតជិតដល់ការចុះហត្ថលេខាលើខ្សែបម្រើ Aleix Garcia របស់ក្លឹប Girona ហើយ (នេះបើយោងតាមរបាយការណ៍ពីលោក Fabrizio Romano)។ របាយការណ៍ដដែលនេះដែរបានអះអាងបន្ថែមទៀតថា កិច្ចចរចាពាក្យសម្ដីរវាងក្លឹប និងកីឡាករ ត្រូវបានព្រមព្រៀងរួចរាល់ផងដែរ។
យ៉ាងណាមិញ ការចុះហត្ថលេខាផ្ទេរកីឡាករវ័យ 26 ឆ្នាំរូបនេះដែរ Bayer Leverkusen នឹងចំណាយប្រាក់លើសពី 18 លានអឺរ៉ូទៅឲ្យ Girona។ ផ្សេងពីនេះដែរ Aleix Garcia គ្រោងនឹងទទួលការពិនិត្យសុខភាពនៅសប្តាហ៍នេះ ហើយប្រសិនបើអ្វីៗដំណើរការទៅដោយរលូន គាត់នឹងចុះកុងត្រាជាមួយក្លឹបថ្មី Bayer Leverkusen។
គួរដឹងផងដែរថា Aleix Garcia គឺជាកាពីតែនក្រុម និងជាកីឡាករដ៏សំខាន់ក្នុងការនាំ Girona ឲ្យដណ្ដើមបានកៅអី UEFA Champions League ជាលើកដំបូងក្នុងប្រវត្តិសាស្ត្រក្លឹបកាលពីរដូវកាលមុន។ គាត់បានចូលរួមជាមួយក្លឹបដែលស្ថិតនៅក្នុងតំបន់កាតាឡាន់មួយនេះ តាំងពីឆ្នាំ 2021 មកម្ល៉េះ ដោយផ្ទេរពីក្លឹប Eibar ក្នុងនាមជាកីឡាករដែលគ្មានតម្លៃខ្លួន។
ប្រភព: Dailysports
គ្រូបង្វឹករបស់ បាសេឡូណា សម្រេចលុបចោលការប្រារព្ធពិធីជ័យជម្នះ Copa del Rey ទោះមិនទាន់បានលេងក៏ដោយ
ទីបំផុតរកឃើញក្រុមដែលឡើងទៅវគ្គពាក់កណ្តាលផ្តាច់ព្រ័ត្រពានរង្វាន់ UCL ហើយ
ខ្សែប្រយុទ្ធដ៏ឆ្នើមរបស់ Dortmund បំបែកកំណត់ត្រារបស់ Salah នៅ UCL
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
