បាល់ទាត់អន្តរជាតិ
Atletico Madrid កំពុងពិចារណានាំយកអតីតខ្សែប្រយុទ្ធម្នាក់របស់ក្លឹប Juventus
ក្លឹបយក្សនៅអេស្ប៉ាញ Atletico Madrid កំពុងមានការចាប់អារម្មណ៍ជាថ្មីម្ដងទៀត របស់ពួកគេលើកីឡាករសញ្ជាតិអ៊ីតាលី Federico Bernardeschi ខណៈដែលកាលពីមុន ពួកគេក៏ធ្លាប់ចង់បាន Bernardeschi ផងដែរ។
ពេលនេះ Federico Bernardeschi គឺជាកីឡាករដែលគ្មានតម្លៃខ្លួន បន្ទាប់ពីបានផុតកុងត្រាជាមួយក្លឹបសេះបង្កង់ Juventus ហើយក្លឹបមិនបន្តកុងត្រាថ្មីជាមួយគាត់។ ក្លឹប Juventus បានប្រកាសចែកផ្លូវគ្នាជាមួយខ្សែប្រយុទ្ធស្លាបរូបនេះ កាលពីប៉ុន្មានថ្ងៃមុនមកម្ល៉េះ។
យោងតាមរបាយការណ៍ពី Diario AS បានលើកឡើងថា Bernardeschi ធ្លាប់ជារ៉ាដារបស់ក្លឹប Atletico Madrid តាំងពីឆ្នាំ 2020 មកម្ល៉េះ។ ប៉ុន្តែពេលនេះ ពួកគេក៏បង្ហាញការចាប់អារម្មណ៍ជាថ្មីម្ដងទៀត បន្ទាប់ពីមើលឃើញឱកាសល្អដែលអាចចុះហត្ថលេខាលើ Bernardeschi ដោយមិនចំណាយទឹកប្រាក់ផ្ទេរ។
យ៉ាងណាពេលនេះ គ្រូបង្វឹករបស់ក្លឹបលោក Diego Simeone កំពុងប្រឈមការគិតគូពីតុល្យភាពនៃការរកចំណូលរបស់ក្លឹប និងការចំណាយលើកីឡាករ ហើយវាគឺជាឧបសគ្គធំមួយផងដែរ បន្ទាប់ពី Juventus បានឲ្យ Alvaro Morata ត្រឡប់មកវិញ ក្រោយការខ្ចីជើងត្រូវបញ្ចប់។ លើសពីនេះទៅទៀត ក្លឹបកំពុងចង់បាន Axel Witsel ដែលកំពុងចរចាគ្នាជិតបានសម្រេចទៅហើយនោះ។
Federico Bernardeschi អាចនឹងមានវត្តមានជាមួយក្លឹបអេស្ប៉ាញ Atletico Madrid លុះត្រាណាតែពួកគេអាចលក់ Alvaro Morata ចេញ រឺបោះបង់ចោលការចុះហត្ថលេខាលើ Axel Witsel។
ប្រភព: Onefootball
Real Madrid ដាក់បញ្ចូលឈ្មោះកីឡាករ 5 រូប ដែលខ្លួនចង់បាន ដើម្បីមកជំនួសកន្លែងរបស់ Toni Kroos
Sevilla កំពុងស្ទាក់ស្ទើរលើឱកាសខ្ចីជើង Ansu Fati ដោយសារហេតុផលសំខាន់ៗ 2
Harry Kane អាចនឹងមានរបួសធ្ងន់ធ្ងរជាងការរំពឹងទុក
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
-
បាល់ទាត់អន្តរជាតិ3 days agoReal Madrid ត្រៀមចែកផ្លូវគ្នាជាមួយលោក Carlo Ancelotti
-
បាល់ទាត់អន្តរជាតិ5 days agoUnai Emery បដិសេធមិនឲ្យក្លឹបនាំយកខ្សែបម្រើរូបនេះត្រឡប់មកវិញ
-
បាល់ទាត់អន្តរជាតិ2 days agoMikel Arteta មិនជឿថា Liverpool អាចរក្សាតំណែងកំពូលរបស់ខ្លួនរហូតដល់ចុងបញ្ចប់នៃរដូវកាលនេះនោះទេ
