កីឡាករ​ឆ្នើម​ទាំង 5 រូប ដែល​មិន​ធ្លាប់​ឈ្នះពាន​ធំៗ

មិន​មែន​គ្រប់​កីឡាករ​បាល់ទាត់​ដែល​ពូកែ​សុទ្ធ​តែ​អាច​ឈ្នះពាន​ធំៗ​ជា​មួយ​ក្លឹប រឺ​ប្រទេស​របស់​ខ្លួន​នោះ​ទេ។ កីឡាករ​បាល់ទាត់​ដែល​ធ្លាប់​ឈ្នះពាន​ធំៗ​ជា​មួយ​ក្លឹប គឺ​ត្រូវ​មាន​ទេពកោសល្យ និង​បូក​ផ្សំ​ជា​មួយ​សំណាង​ផង​ដែរ។

ដោយ​ឡែក​ថ្ងៃ​នេះ យើង​សូម​បង្ហាញ​ជូន​កំពូល​កីឡាករ​ល្បីៗ​ទាំង 5 រូប តែ​មិន​មាន​សំណាង ពោល​គឺ​គាត់​មិន​ដែល​ឈ្នះពាន​ធំៗ​ឡើយ។

5. Matthew Le Tissier

គាត់​ជាកីឡាករ​ដ៏​ល្អ និង​ស្មោះត្រង់​ម្នាក់​ចំពោះ​ក្លឹប Southampton។ ក្នុង​អាជីព​ជាមួយ Southampton គាត់​បាន​លេង​បាន 540 ប្រកួត និង​ស៊ុតបញ្ចូលទី​បាន 210 គ្រាប់។ យ៉ាង​ណា​គ្មាន​ពាន​ណា​មួយ​ដែល Matthew Le Tissier ធ្លាប់​ឈ្នះ​ឡើយ។

4. Gary Lineker

Gary Lineker ធ្លាប់​ជា​ខ្សែប្រយុទ្ធ​ដ៍​លេច​ធ្លោរ​ម្នាក់​នៅ​ក្នុង​ពិភព​បាល់ទាត់។ ខ្សែ​ប្រយុទ្ធ​ប្រើ​ជើង​ស្តាំ​រូប​នេះ ស៊ុត​​បាល់​​បញ្ចូល​ទី​បាន 281 គ្រាប់ ​ក្នុង​ការ​បង្ហាញ​ខ្លួន 568 ​ប្រកួត​សម្រាប់​​ក្លឹប និង 48 គ្រាប់ សម្រាប់​ក្រុម​​ជម្រើស​ជាតិ​អង់គ្លេស។

3. Robin Van Persie​​

Robin van Persie គឺ​ជា​ខ្សែ​ប្រយុទ្ធ​ម្នាក់​​ដ៏​អស្ចារ្យ​បំផុត​ក្នុង​សម័យ​ទំនើប​ ដែល​គាត់​ទើប​តែ​នឹង​ចូល​និវត្តន៍​ពី​បាល់ទាត់​កាល​ពី​ប៉ុន្មាន​ឆ្នាំ​នេះ​ប៉ុណ្ណោះ។ គាត់​មិន​​ដែល​​ឈ្នះ​ពាន​ធំៗ​ឡើយ។ គាត់​បាន​ចំណាយ​ពេល​បី​ឆ្នាំ​នៅ Feyenoord និង 8 ឆ្នាំ​នៅក្រុម Arsenal។ ពាន​ដែល​ធ្លាប់​ឈ្នះ​ត្រឹម​តែ​ជា UEFA Cup (2001–02), FA Cup (2004–05) និង FA Community Shield (2004)។

2. Cristiano Doni

ភាគច្រើន​នៃ​អាជីព​បាល់ទាត់​របស់ Cristiano Doni គឺ​លេង​នៅ​ក្លឹប Atalanta។ គាត់​ធ្លាប់​បាន​បង្ហាញ​ខ្លួន​ឲ្យ​ក្រុម​ជម្រើស​ជាតិ​អ៊ីតាលី​ក្នុង​ព្រឹត្តិការណ៍ World Cup ឆ្នាំ 2002 ប៉ុន្តែ​មិន​បាន​ផល​អ្វី​ឡើយ។ គាត់​ធ្លាប់​បាន​ឈ្នះ​ត្រឹម​តែ​ពាន​រង្វាន់ Serie C1 ជាមួយ Bologna និង​ពានរង្វាន់ Serie B ចំនួន 3 ជាមួយ Bologna, Brescia និង Atalanta។

1. Harry Kane

Harry Kane បាន​បំបែក​កំណត់ត្រាស៊ុតបញ្ចូលទីច្រើនជាងគេនៅ Premier League ដោយ​មាន 183គ្រាប់ ប៉ុន្តែ​គាត់​មិន​បាន​ឈ្នះពាន​ធំ សូម្បី​តែ​មួយ។ គាត់​បាន​ចាញ់​វគ្គផ្តាច់ព្រ័ត្រ League Cup ចំនួន​ពីរ​ដង និង​វគ្គផ្តាច់ព្រ័ត្រ UEFA Champions League ម្ដង ព្រម​ទាំង​វគ្គពាក់​កណ្តាល​ផ្តាច់ព្រ័ត្រ World Cup និង Nations League ផង​ដែរ។

ប្រភព: Bleacherreport