បាល់ទាត់អន្តរជាតិ
Chelsea ចាំទទួលយក Harry Kane ប្រសិនបើ Bayern Munich លែងត្រូវការគេ
ក្លឹបតោខៀវ Chelsea ត្រូវបានគេរាយការណ៍ថា កំពុងតាមដានយ៉ាងយកចិត្តទុកដាក់លើខ្សែប្រយុទ្ធ Harry Kane របស់ក្លឹប Bayern Munich ស្របពេលដែលខ្សែប្រយុទ្ធឆ្នើមរូបនេះហាក់បានជួបនឹងស្ថានភាពមិនសូវល្អជាមួយក្លឹបបច្ចុប្បន្នរបស់ខ្លួន។
យ៉ាងណាមិញ Harry Kane ទើបនឹងបានចាកចេញពីទ្រនំដែលខ្លួនធ្លាប់បានរួមរស់ជាមួយអស់រយៈពេលជាច្រើនឆ្នាំនៅ Tottenham Hotspur ដោយចូលរួមជាមួយក្រុមរបស់លោក Thomas Tuchel កាលពីដើមរដូវកាលកន្លងទៅ។ កីឡាករវ័យ 30 ឆ្នាំរូបនេះមានទម្រង់លេង និងអាចស៊ុតបញ្ចូលទីជាច្រើន ប៉ុន្តែទម្រង់លេងរបស់ Bayern Munich ហាក់មិនអាចប្រកួតប្រជែងក្នុងការឈ្នះពានធំៗបាន។
ដោយឡែក Harry Kane ដែលត្រូវបានមជ្ឃដ្ឋានបាល់ទាត់មួយចំនួនយល់ថា ជាកីឡាករដែលជាប់បណ្ដាសារមិនអាចឈ្នះពានបាននោះ ក៏ហាក់មិនមានឱកាសលើកពាន Bundesliga នៅរដូវកាលនេះដែរ ហើយស្របពេលជាមួយគ្នានោះ យោងតាមរបាយការណ៍ពី Football Insider បានឲ្យដឹងថា Harry Kane មិនពេញចិត្តនឹងជីវិតនៅក្នុងប្រទេសអាឡឺម៉ង់ ស្របពេលដែលទម្រង់លេងរបស់ក្រុមហាក់យ៉ាប់យ៉ឺន ហើយរឿងនេះត្រូវបានដឹងដោយតោខៀវ Chelsea ដោយពួកគេចង់នាំកីឡាករសញ្ជាតិអង់គ្លេសមកទឹកដីកំណើតរបស់ខ្លួនវិញ។
ប្រភព: Sportsmole
-
បាល់ទាត់អន្តរជាតិ2 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ2 days ago
បញ្ហាថ្មីមួយកំពុងប្រឈមខ្លាំងនៅ Premier League ដោយកីឡាករជាច្រើនចាប់ផ្ដើមប្រើប្រាស់ថ្នាំជក់គ្មានផ្សែង
-
បាល់ទាត់អន្តរជាតិ3 days ago
Xavi ទាមទារឲ្យក្លឹបចុះហត្ថលេខាលើខ្សែបម្រើកណ្ដាលមួយរូបរបស់ក្លឹប Real Sociedad