បាល់ទាត់អន្តរជាតិ
Wayne Rooney រិះគន់យ៉ាងចាស់ដៃទៅលើអត្តចរិកអំនួតរបស់ Kylian Mbappe
បច្ចុប្បន្ននេះតារាឆ្នើមវ័យ 23 ឆ្នាំ Kylian Mbappe របស់ក្លឹប PSG ត្រូវបានមជ្ឈដ្ឋានបាល់ទាត់មើលឃើញថា គាត់បានក្លាយជាកីឡាករល្អបំផុតមួយរូបនៅក្នុងពិភពលោក ប៉ុន្តែការប៉ះទង្គិចជាមួយមិត្តរួមក្រុម Lionel Messi និង Neymar Jr បានធ្វើឲ្យមានការរិះគន់ជាច្រើនទៅលើអាកប្បកិរិយារបស់គាត់។
ក្នុងកំឡុងពេល PSG ប្រកួតឈ្នះក្រុម Montpellier កាលពីពេលថ្មីៗនេះ កីឡាករសញ្ជាតិបារាំង Kylian Mbappe បានប្រកែកដណ្ដើមគ្នាជាមួយ Neymar ដើម្បីយកបាល់ប៉េណាល់ទី។ Mbappe បានដើរទៅរក Neymar ហើយក្នុងខណៈពេលនោះ គាត់បានយកស្មាទៅបុក Messi ដែលវាជាចេតនាយ៉ាងច្បាស់។
មានមនុស្សជាច្រើនមើលឃើញថា Mbappe កំពុងមានអំនួតលើខ្លួនឯង និងចាត់ទុកខ្លួនគាត់ធំជាងក្លឹប។ ដូចគ្នានេះដែរ អតីតខ្សែប្រយុទ្ធឆ្នើមរបស់ក្លឹប Manchester United គឺកីឡាករ Wayne Rooney ដែលបច្ចុប្បន្នជាគ្រូបង្វឹករបស់ក្លឹប DC United នៅ MLS បានបញ្ចេញមតិរិះគន់យ៉ាងចាស់ដៃទៅលើ Mbappe និងអាកប្បកិរិយារបស់គាត់។
Wayne Rooney បានប្រាប់ទៅ Depar Sports ថា៖ “ខ្ញុំមិនដែលឃើញអ្នកណា អត្មានិយមខ្លាំងជាងនេះទេក្នុងជីវិតរបស់ខ្ញុំ។ គួរតែមាននរណាម្នាក់រំលឹក Mbappe ថា នៅពេលដែល Messi មានអាយុ 23 ឆ្នាំ គាត់បានឈ្នះ Ballon d’Ors ចំនួន 4 ដងរួចហើយ។
ពាក្យសម្ដីរបស់ Rooney បានធ្វើឲ្យមានព្យុះភ្លៀងជាខ្លាំងនៅលើប្រព័ន្ធផ្សព្វផ្សាយសង្គម ដោយអ្នកប្រើប្រាស់ភាគច្រើនបានយល់ស្របថា អាកប្បកិរិយារបស់ Mbappe ចំពោះ Messi គឺឈ្លើយ និងមិនមានការគោរពចំពោះរៀមច្បង ក៏ដូចជាការគោរពចំពោះកីឡាករឆ្នើមរបស់ពិភពលោក។
ប្រភព: Marca
ថ្ងៃនេះកាលពី 5 ឆ្នាំមុន Liverpool ធ្វើឲ្យ Barcelona ទឹកភ្នែកនៅវគ្គពាក់កណ្ដាលផ្ដាច់ព្រ័ត UEFA Champions League
តើក្រុមណានឹងឡើងទៅកាន់វគ្គផ្ដាច់ព្រ័តរវាង PSG និង Borussia Dortmund?
Bayer Leverkusen ចាប់អារម្មណ៍លើខ្សែបម្រើឆ្នើមមួយរូបរបស់ក្លឹប Girona
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
ក្លឹបយក្សមួយ ចង់ចុះហត្ថលេខានាំយក Cristiano Ronaldo ត្រឡប់ទៅ Premier League វិញ
-
បាល់ទាត់អន្តរជាតិ2 days agoCole Palmer ក្លាយជាកីឡាករវ័យក្មេងទី 3 ក្នុងប្រវត្តិសាស្ត្រ Premier League ដែលស៊ុតបញ្ចូលទីបានច្រើនជាង 20 គ្រាប់ក្នុងមួយរដូវកាល
-
បាល់ទាត់អន្តរជាតិ3 days agoXavi រិះគន់ទម្រង់លេងកូនក្រុមរបស់ខ្លួន ក្រោយចាញ់ Girona 4-2
-
បាល់ទាត់អន្តរជាតិ18 hours agoជាប់ពិន័យមិនឲ្យលេងបាល់ទាត់ ពេលនេះ Paul Pogba ត្រៀមបង្ហាញខ្លួនក្នុងខ្សែភាពយន្តថ្មីមួយ