បាល់ទាត់អន្តរជាតិ
គ្រូបង្វឹករបស់ក្លឹប Ajax ប្រាប់ថា Alvarez ពិតជាចង់ចាកចេញទៅ Chelsea
គ្រូបង្វឹករបស់ក្លឹប AFC Ajax លោក Alfred Schreuder បានសារភាពថា ខ្សែបម្រើ Edson Alvarez ពិតជាចង់ចាកចេញពីក្លឹប ដើម្បីទៅចូលរួមជាមួយក្លឹបតោខៀវ Chelsea ពិតមែន ខណៈដែលចំណាប់អារម្មណ៍នេះកើតឡើងយ៉ាងឆាប់រហ័សនៅពេលដែលទីផ្សារនៃការដោះដូរកីឡាករត្រៀមនឹងបិទបញ្ចប់។
ក្លឹបតោខៀវ Chelsea បានដាក់សំណើរដេញថ្លៃ 50 លានអឺរ៉ូសម្រាប់ Alvarez នៅថ្ងៃចុងក្រោយនៃទីផ្សារដោះដូរកីឡាកររបស់លីគកំពូលនៃប្រទេសអង់គ្លេស ខណៈដែលទីផ្សារដោះដូររបស់ហូឡង់បានបិទរួចទៅហើយ។
បន្ទាប់ពីដឹងថា ក្លឹបតោខៀវចង់បានគាត់ Edson Alvarez បានប៉ុនប៉ងបង្ខំឲ្យក្លឹបរបស់ខ្លួនលក់គាត់ចេញ ហើយថែមទាំងបដិសេធមិនចូលទីលានហ្វឹកហាត់ជាមួយក្រុមទៀតផង។ យ៉ាងណាទីបំផុត Ajax បានបដិសេធមិនលក់ Alvarez ឡើយ។
ដោយឡែកលោក Alfred Schreuder បានប្រាប់ ESPN ថា៖ “Chelsea បានទាក់ទងជាមួយ Edson Alvarez នៅថ្ងៃចុងក្រោយ ហើយ Alvarez ចង់ផ្ទេរទៅចូលរួមជាមួយពួកគេ។ សម្រាប់មួយថ្ងៃដំបូង គាត់មានអារម្មណ៍សោកស្ដាយ និងស្រងាកចិត្តណាស់ ប៉ុន្តែកាលពីម្សិលមិញគាត់បានប្រាប់ខ្ញុំថា ខ្ញុំនឹងនៅទីនេះជាមួយគ្រូបង្វឹករបស់ខ្ញុំ ហើយនឹងផ្តល់នូវការលេងអស់ពីចិត្ត 100%”។
នៅពេលដែល Alvarez បានបរាជ័យក្នុងការចាកចេញពី Ajax ក្លឹបតោខៀវ Chelsea បានកំណត់គោលដៅថ្មីរបស់ពួកគេ ហើយក៏សម្រេចបានការចុះហត្ថលេខាលើ Denis Zakaria លើកិច្ចព្រមព្រៀងផ្ទេរក្នុងលក្ខខណ្ឌខ្ចីជើងរយៈពេលមួយរដូវកាលពី Juventus ដែលរួមបញ្ចូលជាមួយនឹងជម្រើសក្នុងការទិញផងដែរ។
ប្រភព: 90 Min
-
បាល់ទាត់អន្តរជាតិ1 day ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ3 days ago
Kroos ប្រាប់ពីវិធីដែល Carlo Ancelotti កុហកកីឡាកររបស់ខ្លួន
-
បាល់ទាត់អន្តរជាតិ3 days ago
សហព័ន្ធកីឡាបាល់ទាត់នៃប្រទេសកាណាដា កំពុងទាក់ទងទៅអតីតគ្រូបង្វឹករបស់ Man United