បាល់ទាត់អន្តរជាតិ
Neymar ប្រាប់ឈ្មោះខ្សែការពារមួយរូប ដែលគាត់ពិបាកប្រឈមមុខបំផុត
កំពូលតារាឆ្នើមរបស់ក្លឹប Paris Saint-Germain (PSG) គឺកីឡាករ Neymar Jr. បានប្រាប់ឈ្មោះខ្សែការពារ Kyle Walker របស់ក្លឹប Manchester City ថាជាខ្សែការពារដ៏លំបាកបំផុតដែលគាត់បានជួបប្រទះក្នុងអាជីពបាល់ទាត់របស់ខ្លួន។
ខ្សែប្រយុទ្ធស្លាបសញ្ជាតិប្រេស៊ីល Neymar Jr. ត្រូវបានសម្ភាសន៍នៅក្នុងវីដេអូមួយរបស់ DAZN ហើយត្រូវបានសួរសំណួរជាច្រើន។ ក្នុងចំណោមសំណួរនោះ មានសំណួរមួយបានសួរថា តើនរណាជាខ្សែការពារដែលពិបាកប្រឈមមុខបំផុតដែលគាត់បានជួបក្នុងអាជីពបាល់ទាត់របស់ខ្លួន។ ពេលនោះ Neymar បាននិយាយថា៖ “គឺខ្សែការពារ Kyle Walker, គាត់លឿន រឹងមាំ និងឆ្លាតវៃ”។
យ៉ាងណាមិញ កីឡាកររបស់ក្លឹប PSG រូបនេះធ្លាប់បានជួប Kyle Walker ចំនួន 4 ដងកាលពីមុន ហើយការប្រកួតទាំងអស់ដែលគេបានប្រឈមមុខគ្នា គឺនៅក្នុងក្របខណ្ឌ UEFA Champions League។
កាលពីរដូវកាលមុន ក្រុមទាំងពីរត្រូវបានចាប់ឆ្នោតក្នុងពូលដូចគ្នា។ ក្លឹប PSG បានឈ្នះម្តងទល់នឹងក្រុមរបស់លោក Pep Guardiola ក្នុងលទ្ធផល 2-0 នៅកីឡដ្ឋាន Parc des Princes។ Manchester City បានយកឈ្នះវិញនៅកីឡដ្ឋាន Etihad ក្នុងលទ្ធផល 2-1។
ប្រភព: Sportskeeda
-
បាល់ទាត់អន្តរជាតិ1 day ago
Chelsea ត្រៀមបើកច្រកផ្លូវឲ្យកីឡាករដែលមានប្រាក់ខែខ្ពស់មួយរូបចាកចេញ នៅរដូវក្ដៅនេះ
-
បាល់ទាត់អន្តរជាតិ2 days ago
PSG ត្រៀមចាយលុយ 100 លានអឺរ៉ូ ដើម្បីចុះហត្ថលេខាលើខ្សែការពាររបស់ក្លឹប Benfica
-
បាល់ទាត់អន្តរជាតិ2 days ago
Man United និង Arsenal បរាជ័យក្នុងការចុះហត្ថលេខាលើខ្សែប្រយុទ្ធឆ្នើមមួយរូបរបស់ក្លឹប Inter Milan