បាល់ទាត់អន្តរជាតិ
Carragher អះអាងថា Maguire នឹងមិនមានឱកាសកែប្រែស្ថានភាពរបស់ខ្លួនឲ្យប្រសើរជាងនេះឡើយ
អតីតខ្សែការពាររបស់ក្រុមហង្សក្រហម Liverpool លោក Jamie Carragher បានអះអាងថា គ្រប់យ៉ាងបានយឺតពេលទៅហើយសម្រាប់ខ្សែការពារ Harry Maguire ក្នុងការសង្គ្រោះខ្លួនឯងឲ្យល្អប្រឡើងនៅក្លឹបបិសាចក្រហម Manchester United។
យោងទៅតាម Carragher គាត់បានប្រៀបប្រដូច Maguire ដែលមើលទៅដូចជាកូនទន្សាយដែលផ្អើលៗអញ្ចឹង។ ខ្សែការពាររូបនេះបានបាត់បង់ទំនុកចិត្តស្ទើរតែទាំងស្រុងនៅ Old Trafford ហើយគ្រប់យ៉ាងហាក់ដូចជាថ្មីក្នុងអាជីពរបស់គាត់។
ជាមួយគ្នានេះដែរ កីឡាករវ័យ 29 ឆ្នាំរូបនេះត្រូវបានអ្នកគាំទ្រអង់គ្លេសសើចចំអកនៅកីឡដ្ឋាន Wembley នៅពេលដែលឈ្មោះរបស់គាត់ត្រូវបានគេអានមុនការប្រកួត Nations League កាលពីយប់ថ្ងៃចន្ទជាមួយនឹងការប្រកួតដែលប៉ះនឹងអាឡឺម៉ង់។
មិនតែប៉ុណ្ណោះ នៅក្នុងការប្រកួតសម្រាប់ក្រុមជម្រើសជាតិអាឡឺម៉ង់ជួបជាមួយអង់គ្លេសនោះ Harry Maguire បានបង្ករកំហុសឲ្យមានបាល់ពិន័យ 11 ម៉ែត្រដែលជាគ្រាប់បើកឆាក និងបានបញ្ជូនបាល់ខុសសម្រាប់គ្រាប់បាល់ទីពីររបស់អាឡឺម៉ង់ផងដែរ។
ពាក់ព័ន្ធនឹងខ្សែការពាររូបនេះដែរ Carragher បានបញ្ចេញយោបល់ថា៖ “មើលទៅ Maguire ហាក់ដូចជាទម្ងន់របស់ពិភពលោកនៅលើស្មារបស់គាត់។ គាត់ដូចជាទន្សាយដែលផ្អើល និងមិនដូចជាខ្សែការពារកណ្តាលដែលពោរពេញដោយអំណាចឡើយ។ ខ្ញុំគិតថាវាយឺតពេលទៅហើយនៅក្លឹប។… គាត់កំពុងស្ថិតក្នុងរដូវកាលចុងក្រោយរបស់គាត់នៅ Old Trafford ហើយគ្រប់យ៉ាងហាក់ដូចជាចាប់ផ្ដើមពីចំណុចសូន្យឡើងមកវិញ”។
ប្រភព: Dailypost NG
Mascherano ធ្វើជាគ្រូបង្វឹករបស់ Miami សំអាងលើ Messi និង Suarez?
ការសម្រេចចិត្តចុងក្រោយរបស់ Cristiano ចំពោះក្លឹប Al Nassr សម្រាប់ឆ្នាំ ២០២៥
អ្នកមកចែចូវ Vini JR ពី Real Madrid លើកនេះមិនក្រីក្រប៉ុន្មានទេ!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
