បាល់ទាត់អន្តរជាតិ
Marko Arnautovic សុខចិត្តបោះបង់ការផ្ទេរទៅចូលរួមជាមួយ Manchester United និងបន្តរួមរស់ជាមួយ Bologna FC
ភ្នាក់ងារកីឡាកររបស់ខ្សែប្រយុទ្ធ Marko Arnautovic បានអះអាងថា កីឡាកររបស់គាត់បានច្រានចោលការផ្ទេរទៅចូលរួមជាមួយក្លឹបបិសាចក្រហម Manchester United កាលពីប៉ុន្មានខែមុន ក្នុងទីផ្សារដោះដូរកីឡាកររដូវក្តៅកន្លងទៅនេះ។
ដូចគ្នានេះដែរអតីតខ្សែប្រយុទ្ធរបស់ក្លឹប West Ham United រូបនេះត្រូវបានគេផ្សារភ្ជាប់ជាមួយនឹងការផ្ទេរទៅកាន់ Old Trafford ក្នុងអំឡុងពេលទីផ្សារដោះដូរកីឡាករថ្មីៗនេះ ហើយមិនយូរប៉ុន្មានក្លឹបបិសាចក្រហមត្រូវបានគេរាយការណ៍ថា បានដកខ្លួនចេញពីការចង់បាន Marko Arnautovic និងជំនួសមកវិញដោយបានចុះហត្ថលេខាលើ Antony របស់ក្លឹប AFC Ajax។
ទោះជាយ៉ាងណាក៏ដោយ អ្នកតំណាងរបស់កីឡាករសញ្ជាតិអូទ្រីសលោក Tiziano Pasquali បានរំលឹកឡើងវិញនូវព្រឹត្តិការណ៍ដែលបានកើតឡើងក្នុងអំឡុងពេលនោះ ដោយបានអះអាងថា ក្រុមរបស់លោក Erik Ten Hag និង Juventus បានចាប់អារម្មណ៍លើ Arnautovic ដូចគ្នា ហើយវាគឺជាការសម្រេចចិត្តរបស់កីឡាករដែលគាត់សុខចិត្តនៅ Bologna បន្តទៀត។
យ៉ាងណាមិញ នៅរដូវកាលនេះ Marko Arnautovic មានទម្រង់លេងល្អគួរសម ដោយគាត់រកបានគ្រាប់បាល់ 6 គ្រាប់ ក្នុងការបង្ហាញខ្លួន 9 ប្រកួតនៅ Serie A របស់អ៊ីតាលី។ កីឡាកររូបនេះគឺជាខ្សែប្រយុទ្ធសំខាន់មិនអាចខ្វះបានរបស់ Bologna FC និងតែងតែជាជម្រើសដំបូងរបស់ក្រុម ក្រោមការដឹកនាំរបស់លោក Thiago Motta ផងដែរ។
ប្រភព: Sportsmole
-
បាល់ទាត់អន្តរជាតិ2 days ago
តោខៀវ Chelsea នឹងត្រូវបង្ខំចិត្តលក់ខ្សែបម្រើឆ្នើមមួយរូបនៅរដូវក្ដៅនេះ!!!
-
បាល់ទាត់អន្តរជាតិ2 days ago
Unai Emery ត្រៀមនាំយកអតីតកូនក្រុមមួយរូបរបស់ខ្លួនទៅកាន់ Aston Villa
-
បាល់ទាត់អន្តរជាតិ1 day ago
Man United និង Arsenal បរាជ័យក្នុងការចុះហត្ថលេខាលើខ្សែប្រយុទ្ធឆ្នើមមួយរូបរបស់ក្លឹប Inter Milan