របួស​របស់ Varane នឹង​មិន​រំខាន់​ដល់​ការ​ប្រកួត World Cup ឡើយ

ខ្សែការពារ Raphael Varane ត្រូវ​បាន​គេ​រាយការណ៍​ថា នៅ​តែ​អាច​បង្ហាញ​ខ្លួន​ក្នុង​ក្រុម​ជម្រើស​ជាតិ​បារាំង សម្រាប់​ការ​ប្រកួត​បាល់ទាត់​ពិភព​លោក​ឆ្នាំ 2022 នៅ​ប្រទេស​កាតា ទោះ​បី​ជា​គាត់​ទើប​នឹង​មាន​របួស​អំឡុង​ពេល​ប្រកួត Premier League របស់​ក្លឹប​បិសាចក្រហម Manchester United ជាមួយ​តោខៀវ Chelsea កាល​ពី​ម្សិលមិញ​នេះ​ក៏ដោយ។

ខ្សែ​ការពារ​កណ្តាល​រូប​នេះ​បាន​ស្រក់​ទឹកភ្នែក​នៅ​ពេល​ដែល​គាត់​បាន​ប្ដូរ​ចេញ​នៅ​នាទីទី 60 និង​​ចាក​ចេញ​ពី​ទីលាន​ប្រកួត​នៅ​កីឡដ្ឋាន Stamford Bridge ជា​មួយ​នឹង​ការ​ឈឺ​ចាប់​ដោយ​សារ​របួស ដែល​អាច​ជា​​របួស​កជើង រឺ​ជង្គង់​ដោយ​សារ​ការ​ដួល។

ទោះ​បី​ជា​យ៉ាង​ណា​ក៏ដោយ​គេ​ជឿ​ថា បញ្ហា​នេះ​ទាក់ទង​នឹង​សរសៃ​ពួរ​របស់ Varane ហើយ​កីឡាករ​រូប​នេះ​ស្រក់​ទឹកភ្នែក​ដោយ​សារ​អារម្មណ៍​ភ័យ​ខ្លាច ដោយ​បារម្ភ​ពី​ការ​អាក់​ខាន​ប្រកួត​ជាមួយ​ក្រុម​ជម្រើស​ជាតិ​នៅ​ព្រឹត្តិការណ៍ World Cup នា​ពេល​ឆាប់ៗ​ខាង​មុខ​នេះ។

យ៉ាង​ណា បើ​តាម​អ្នក​កាសែត Damien Dubras បាន​ឲ្យ​ដឹង​ថា របួស​នេះ​គឺ​មិន​សូវ​ធ្ងន់ធ្ងរ​ដូច​ជា​ការ​ភ័យ​ខ្លាច​របស់ Raphael Varane ឡើយ។ Dubras បាន​អះអាង​ទៀត​ថា ខ្សែការពារ​រូប​នេះ​មាន​បញ្ហា​នៅ​តំបន់​ខាង​ក្រោយ​ភ្លៅ ប៉ុន្តែ​គាត់​នៅតែ​អាច​ជា​ពី​របួស ហើយ​ចូល​រួម​ជា​មួយ​ក្រុម​ជ្រើស​ជាតិ​បារាំង​របស់​គាត់​នៅ​ក្នុង​ការ​ប្រកួត World Cup ដែល​នឹង​ចាប់​ផ្តើម​នៅ​ខែ​ក្រោយ​នេះ​បាន។

ប្រភព: Sportsmole