បាល់ទាត់អន្តរជាតិ
Lionel Messi មិនអើពើនឹងការព្យាយាមទាក់ទងពីប្រធានក្លឹប Barcelona ឡើយ
ខ្សែប្រយុទ្ធឆ្នើម Lionel Messi របស់ក្លឹប Paris Saint-Germain ត្រូវបានគេរាយការណ៍មកថា មិនអើពើនឹងការទាក់ទងតាមទូរស័ព្ទពីអតីតក្លឹបចាស់ Barcelona ឡើយ ខណៈដែលកីឡាករសញ្ជាតិអាហ្សង់ទីនរូបនេះត្រូវបានគេគិតថា នឹងស្នាក់នៅទឹកដីបារាំងបន្តទៀត។
យ៉ាងណាមិញកីឡាករវ័យ 35 ឆ្នាំរូបនេះអាចចាកចេញពីក្លឹបម្ចាស់ជើងឯកបារាំង ក្នុងនាមជាកីឡាករដែលគ្មានតម្លៃខ្លួននៅចុងបញ្ចប់នៃរដូវកាលនេះ ព្រោះ Lionel Messi បានចុះហត្ថលេខាលើកុងត្រារយៈពេលត្រឹមតែ 2 ឆ្នាំទៀតប៉ុណ្ណោះ នៅពេលគាត់ចាកចេញពីទឹកដី Camp Nou កាលពីឆ្នាំ 2021។
Messi ដំបូងឡើយគាត់ហាក់ដូចជាពិបាកក្នុងការសម្របខ្លួនទៅនឹងជីវិតថ្មីនៅទីក្រុងប៉ារីស ប៉ុន្តែគាត់បានចាប់ផ្តើមនូវទម្រង់លេងដ៏ល្អឡើងវិញក្នុងរដូវកាលថ្មីឆ្នាំ 2022-23 ដោយស៊ុតបញ្ចូលទីបាន 12 គ្រាប់ និង Assists 13 ដង ក្នុងការបង្ហាញខ្លួន 17 ប្រកួតគ្រប់ព្រឹត្តិការណ៍ទាំងអស់របស់ក្លឹប។
ជាមួយគ្នានេះដែរ PSG មានជម្រើសក្នុងការបន្តកុងត្រាជាមួយ Lionel Messi រហូតដល់រដូវក្តៅឆ្នាំ 2024 ហើយក្លឹបយក្សនៅ Ligue 1 ត្រូវបានគេគិតថា ត្រៀមនឹងផ្តល់ជូននូវកុងត្រាថ្មីដល់តារាឆ្នើមសញ្ជាតិអាហ្សង់ទីនរូបនេះ។
ដោយឡែកប្រធានក្លឹប Barcelona លោក Joan Laporta បាននិយាយជាញឹកញាប់អំពីបំណងប្រាថ្នារបស់គាត់ក្នុងការនាំយក Messi ត្រឡប់ទៅ Camp Nou វិញ ខណៈដែលទីប្រឹក្សាផ្នែកហិរញ្ញវត្ថុរបស់ក្លឹបលោក Mateu Alemany បានអះអាងថា Barcelona នឹងលទ្ធភាពគ្រប់គ្រាន់លើផ្នែកហិរញ្ញវត្ថុ។
ទោះជាយ៉ាងណាក៏ដោយរបាយការណ៍ចុងក្រោយមួយពី Sport បានអះអាងថា Lionel Messi បានច្រានចោលមិនឆ្លើយតបនឹងការព្យាយាមទាក់ទងពីលោក Joan Laporta ឡើយ ហើយគាត់ហាក់ដូចជាមិនមានចំណាប់អារម្មណ៍ក្នុងការវិលត្រឡប់ទៅក្លឹបចាស់របស់ខ្លួនវិញនោះទេ និងមើលទៅដូចជាគាត់នៅមានការខកចិត្តនៅឡើយ ចាប់តាំងពីពេលដែល Barcelona បានឲ្យគាត់ចាកចេញដោយមិនបានត្រៀមខ្លួនជាមុន កាលពីឆ្នាំ 2021។
ខ្សែប្រយុទ្ធ Lionel Messi នឹងមិនធ្វើការសម្រេចចិត្តណាមួយអំពីអនាគតរបស់ខ្លួននៅពេលនេះទេ ហើយគ្រប់យ៉ាងនឹងពន្យាពេលរហូតដល់ក្រោយការប្រកួតបាល់ទាត់ពិភពលោក World Cup 2022។
ប្រភព: Sportsmole
Ralf Rangnick បញ្ជាក់ថា ក្លឹប Bayern Munich ទាក់ទងចង់បានគាត់ទៅដឹកនាំ
Van Dijk គាំទ្រចង់ឲ្យគ្រូបង្វឹករូបនេះ មកដឹកនាំនៅ Liverpool រដូវកាលក្រោយ!!!
Carlo Ancelotti និយាយបែបនេះ ពេលដឹងថា Xavi បន្តនៅដឹកនាំ Barcelona
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
ក្លឹបយក្សមួយ ចង់ចុះហត្ថលេខានាំយក Cristiano Ronaldo ត្រឡប់ទៅ Premier League វិញ
-
បាល់ទាត់អន្តរជាតិ3 days agoតោខៀវ Chelsea នឹងត្រូវបង្ខំចិត្តលក់ខ្សែបម្រើឆ្នើមមួយរូបនៅរដូវក្ដៅនេះ!!!
-
បាល់ទាត់អន្តរជាតិ2 days agoUnai Emery ត្រៀមនាំយកអតីតកូនក្រុមមួយរូបរបស់ខ្លួនទៅកាន់ Aston Villa
-
បាល់ទាត់អន្តរជាតិ2 days agoPSG ត្រៀមចាយលុយ 100 លានអឺរ៉ូ ដើម្បីចុះហត្ថលេខាលើខ្សែការពាររបស់ក្លឹប Benfica