បាល់ទាត់អន្តរជាតិ
AC Milan ចង់លក់ Rafael Leao ទៅឲ្យ Man City និងតោខៀវ Chelsea ក្នុងតម្លៃ 120 លានអឺរ៉ូ
ក្លឹបមេឃខៀវ Manchester City និងក្លឹបតោខៀវ Chelsea ត្រូវបានគេរាយការណ៍ថា គ្រោងនឹងដាក់សំណើរមួយ នៅខែមករាខាងមុខនេះ សម្រាប់ចុះហត្ថលេខាលើខ្សែប្រយុទ្ធ Rafael Leao របស់ក្លឹប AC Milan។
កីឡាករវ័យ 23 ឆ្នាំរូបនេះបានក្លាយទៅជាតារាឆ្នើមប្រចាំក្រុមរបស់ខ្លួន AC Milan ក្នុងរយៈពេល 18 ខែចុងក្រោយនេះ ហើយគាត់ត្រូវបានកំណត់ថា នឹងក្លាយជាខ្សែប្រយុទ្ធដែលទទួលបានការចាប់អារម្មណ៍ពីក្លឹបធំៗច្រើនបំផុតនៅទ្វីបអឺរ៉ុប ក្នុងទីផ្សារដោះដូរកីឡាករនាខែមករាឆ្នាំក្រោយនេះ។
Rafael Leao បានជាប់ឈ្មោះជាកីឡាករឆ្នើមប្រចាំរដូវកាល 2021-22 របស់ Serie A បន្ទាប់ពីស៊ុតបញ្ចូលទីបាន 11 គ្រាប់ និង Assists 10 ដង សម្រាប់ក្លឹបម្ចាស់ជើងឯក AC Milan ហើយចាប់តាំងពីពេលនោះមក គាត់បានចាប់ផ្តើមជីវិតបាល់ទាត់កាន់តែត្រចះត្រចង់ រហូតដល់រដូវកាលថ្មីនេះរកបាន 6 គ្រាប់ និង Assist បាន 4 ដងក្នុង 17 ប្រកួតនៅ Serie A និង UEFA Champions League។
កីឡាករសញ្ជាតិព័រទុយហ្គាល់រូបនេះត្រូវបានចាត់ទុកថា ជាទ្រព្យសម្បត្តិដ៏សំខាន់នៅ San Siro នាពេលអនាគត ប៉ុន្តែក្រោយពេលមានការតាមចែចង់ពីក្លឹបធំៗជាច្រើនមក ត្រូវបានគេជឿថា ការបន្តអាជីពនៅអ៊ីតាលីរបស់គាត់ហាក់ដូចជាមិនមានភាពច្បាស់លាស់ឡើយ ខណៈដែលកុងត្រាបច្ចុប្បន្នរបស់ Rafael Leao នឹងផុតកំណត់នៅខែមិថុនា ឆ្នាំ 2024។
ថ្មីៗនេះរបាយការណ៍ពី TuttoMercatoWeb បានអះអាងថា AC Milan នឹងអាចដោះលែងខ្សែប្រយុទ្ធរូបនេះឲ្យចាកចេញបាន ប្រសិនបើទទួលបានសំណើរនៃការដេញថ្លៃដ៏ធំរហូតដល់ 120 លានអឺរ៉ូ ពីក្លឹបអ្នកមាន Manchester City និងតោខៀវ Chelsea។
ប្រភព: Sportsmole
ខ្សែប្រយុទ្ធ Oscar Maritu ត្រៀមចូលសញ្ជាតិចិន ដើម្បីលេងឲ្យក្រុមជម្រើសជាតិចិន
Brighton ឈានដល់កិច្ចព្រមព្រៀងចុះហត្ថលេខាលើកីឡាកររបស់ក្លឹប Inter Miami ដែលជាមិត្តរួមក្រុមរបស់ Messi
Nico Williams ផ្លាស់ប្ដូរគំនិត ដោយព្រមចូលរួមជាមួយក្លឹបអ្នកមានបុណ្យ Barcelona
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
-
បាល់ទាត់អន្តរជាតិ4 days agoReal Madrid កំពុងពិចារណាចង់ចុះហត្ថលេខាលើអតីតខ្សែប្រយុទ្ធមួយរូប ដែលជាអតីតយុវជនរបស់ក្លឹប Barcelona
-
បាល់ទាត់អន្តរជាតិ5 days agoRonaldo ជឿជាក់ថា Mbappe នឹងក្លាយជាកីឡាករដ៏សំខាន់របស់ក្លឹបនាពេលអនាគត
-
បាល់ទាត់អន្តរជាតិ2 days agoNico Williams ផ្លាស់ប្ដូរគំនិត ដោយព្រមចូលរួមជាមួយក្លឹបអ្នកមានបុណ្យ Barcelona
