បាល់ទាត់អន្តរជាតិ
របួសរបស់ Neymar អាចនឹងអូសបន្លាយរហូតដល់ជិតបញ្ចប់ World Cup
តារាឆ្នើមរបស់ក្រុមជម្រើសជាតិប្រេស៊ីល Neymar Jr ត្រូវបានគេរាយការណ៍ថា អាចនឹងខកខានការប្រកួត World Cup 2022 ស្ទើរតែទាំងស្រុង ខណៈដែលរបួសកជើងរបស់គាត់ គឺធ្ងន់ធ្ងរជាងការរពឹងទុក។
ខ្សែប្រយុទ្ធវ័យ 30 ឆ្នាំរូបនេះបានរងរបួស ក្នុងការប្រកួតបើកឆាកពូល G របស់ប្រេស៊ីល ទល់នឹងស៊ែប៊ី។ ក្រោយមកទៀត Neymar បានខកខានក្នុងការប្រកួតជាមួយក្រុមជម្រើសជាតិស្វីស ដែលជាប្រកួតបន្ទាប់របស់ពួកគេ។ យ៉ាងណាពេលនោះប្រេស៊ីលបានទទួលជ័យជម្នះ 1-0 ទៅលើស្វីសផងដែរ។
កាលពីសប្តាហ៍មុន វេជ្ជបណ្ឌិតរបស់កក្រុមជម្រើសជាតិប្រេស៊ីល Rodrigo Lasmar បានបង្ហាញថា Neymar បានរងរបួសសរសៃពួរនៅក្រោយកជើងស្តាំ រួមជាមួយនឹងជម្ងឺឆ្អឹងតូចមួយផងដែរ ហើយកីឡាកររបស់ក្លឹប Paris Saint-Germain រូបនេះនឹងខកខានការប្រកួតចុងក្រោយក្នុងវគ្គចែកពូលរបស់ពួកគេជាមួយនឹងក្រុមជម្រើសជាតិកាមេរូននៅថ្ងៃនេះផងដែរ។ ដូចគ្នានេះដែរ គ្រូបង្វឹកលោក Tite បានបញ្ជាក់ថា Neymar នឹងជាសះស្បើយទាន់ពេលវេលា ដើម្បីបន្តបេសកកម្មក្នុងការប្រកួតនៅប្រទេសកាតា។
ទោះបីជាយ៉ាងណាក៏ដោយ របាយការណ៍ពី The Mirror បានឲ្យដឹងថា របួសរបស់ Neymar គឺធ្ងន់ធ្ងរជាងការរំពឹងទុក ហើយធ្វើឲ្យគាត់ខកខានការប្រកួតដែលនៅសល់ទាំងអស់ទៀតផង។ របាយការណ៍ដដែលនេះដែរបានបន្ថែមថា ស្ថានភាពដែល Neymar កំពុងជួបប្រទះ គឺតម្រូវឲ្យសម្រាកពីលើទីលានរហូតដល់ 3 សប្តាហ៍ ដែលមានន័យថា គាត់អាចចូលលេងបាន ប្រសិនបើប្រេស៊ីលឡើងដល់វគ្គផ្តាច់ព្រ័ត្រ។
ប្រភព: Sportsmole
ទម្រង់របស់ Real Madrid មិនទាន់នឹងនរនៅឡើយទេ បន្ទាប់Tony Kroos
ក្រុម Crystal Palace ឈ្នះពាន FA Cup ជាលើកដំបូងក្នុងប្រវត្តិសាស្ត្រ បន្ទាប់ពីរង់ចាំអស់ពេលជាង ១២០ឆ្នាំ
ទីបំផុត Bologna ទទួលបានពានរង្វាន់ធំជាលើកដំបូង ក្រោយពីរង់ចាំអស់ ៥១ឆ្នាំ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
