បាល់ទាត់អន្តរជាតិ
Cavani វ៉ៃអេក្រង់ VAR មួយដៃ ដួលបះជើង ក្រោយពេលអ៊ុយរូហ្គាយធ្លាក់ចេញពី World Cup
ការប្រកួតបាល់ទាត់ពិភពលោកឆ្នាំនេះ គឺជាឆ្នាំចុងក្រោយរបស់ Edinson Cavani និង Luis Suarez ហើយយើងនឹងមិនឃើញអ្នកទាំង 2 នៅ World Cup ម្តងទៀតឡើយ។ ខ្សែប្រយុទ្ធឆ្នើម 2 រូបនេះ គឺជាកីឡាករដែលស៊ុតបញ្ចូលទីបានច្រើនជាងគេក្នុងប្រវត្តិសាស្ត្របាល់ទាត់របស់អ៊ុយរូហ្គាយ។
បច្ចុប្បន្ននេះទាំង Luis Suarez និង Edinson Cavani សុទ្ធតែមានអាយុ 30 ឆ្នាំផ្លាយទៅហើយ ហើយអាចនឹងចូលនិវត្តន៍ពីបាល់ទាត់ក្នុងពេលឆាប់ៗខាងមុខនេះ។ ដូច្នេះខ្សែប្រយុទ្ធ 2 រូបនេះ នឹងឈប់លេងបាល់មុនឆ្នាំ 2026 មកដល់ ដែលជាការប្រកួត World Cup។
យ៉ាងណាការបង្ហាញខ្លួនលើកចុងក្រោយរបស់ Cavani និង Luis Suarez បានបញ្ចប់ទៅយ៉ាងឆាប់រហ័ស ដោយសារក្រុមជម្រើសជាតិរបស់គាត់ធ្លាក់ត្រឹមវគ្គចែកពូល។ អ៊ុយរូហ្គាយត្រូវបានគេរំពឹងថា នឹងឡើងទៅកាន់វគ្គ 16 ក្រុមចុងក្រោយនៃពូល H រួមជាមួយព័រទុយហ្គាល់ ប៉ុន្តែនៅទីបំផុតចំណាត់ថ្នាក់លេខ 2 ត្រូវបានទៅលើកូរ៉េខាងត្បូង។
ក្រុមជម្រើសជាតិអ៊ុយរូហ្គាយបានយកឈ្នះហ្គាណា 2-0 ក្នុងការប្រកួតចុងក្រោយរបស់ពួកគេ ប៉ុន្តែការទទួលជ័យជម្នះ 2-1 របស់កូរ៉េខាងត្បូងលើព័រទុយហ្គាល់បានធ្វើឲ្យអ៊ុយរូហ្គាយធ្លាក់ទៅចំណាត់ថ្នាក់លេខ 3 ដោយសារកូរ៉េខាងត្បូងមានគ្រាប់បាល់ច្រើនជាង។
ទោះបីជាយ៉ាងណាក៏ដោយ មានការសម្រេចចិត្តពិន័យបាល់ដ៏ចម្រូងចម្រាសមួយនៅចុងម៉ោង ដែលខ្សែការពាររបស់ហ្គាលណា និង Cavani បានជែងបាល់គ្នានៅក្នុងប្រអប់គ្រោះថ្នាក់ ហើយធ្វើឲ្យ Cavani ដួល។ យ៉ាងណាអាជ្ញាកណ្តាលលោក Daniel Siebert បានបដិសេធមិនផ្ដល់បាល់ពិន័យនោះទៅឲ្យ Cavani ឡើយ។ បន្ទាប់ពីចប់ការប្រកួត Edinson Cavani ខឹងសម្បារយ៉ាងខ្លាំង ហើយបានយកដៃទៅវ៉ៃអេក្រង់ម៉ូនីទ័រ VAR ឲ្យដួលបះជើងតែម្ដង ស្របពេលដែលក្រុមជម្រើសជាតិរបស់គាត់ក៏បានធ្លាក់ចេញត្រឹមវគ្គចែកពូលផងដែរ។
ប្រភព: Onefootball
Sergio Ramos ចូលរួមក្លឹបថ្មីនៅមិកស៊ីកូ ពាក់លេខ 93 ដោយសារមូលហេតុនេះ
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
