បាល់ទាត់អន្តរជាតិ
កីឡាករមួយចំនួនរបស់បិសាចក្រហម មិនចង់ឲ្យក្លឹបនាំយក Mason Greenwood មកវិញ
ថ្មីៗនេះមានសេចក្ដីរាយការណ៍មួយបានលើកឡើងថា កីឡាករមួយចំនួនរបស់ក្លឹបបិសាចក្រហម Manchester United ត្រូវបានគេរាយការណ៍ថា ប្រឆាំងនឹងគំនិតនៃការចង់នាំយក Mason Greenwood ត្រឡប់មកក្លឹបវិញ បើទោះបីជាកីឡាកររូបនេះរួចទោសពីការចោទប្រកាន់ ហើយអាចបន្តអាជីពបាល់ទាត់របស់ខ្លួនវិញក៏ដោយ។
យ៉ាងណាមិញកីឡាករសញ្ជាតិអង់គ្លេស Mason Greenwood ត្រូវបានចោទប្រកាន់លើការប៉ុនប៉ងរំលោភសេពសន្ថវៈ ដោយមានការបង្ខិតបង្ខំ និងការវាយដំបង្កគ្រោះថ្នាក់ដល់រាងកាយទៅលើនារីម្នាក់។ ទោះបីជាយ៉ាងណាក៏ដោយនៅដើមសប្ដាហ៍នេះ ការចោទប្រកាន់ទាំងអស់ដែលពាក់ព័ន្ធនឹង Greenwood ត្រូវបានតុលាការច្រានចោល ហើយគាត់នឹងត្រូវបានដោះលែងឲ្យមានសេរីភាពជាធម្មតា។ បច្ចុប្បន្ន Manchester United កំពុងធ្វើការស៊ើបអង្កេតផ្ទៃក្នុងដោយឡែកមួយរបស់ពួកគេទៅលើរឿងនេះ មុនពេលសម្រេចចិត្តលើការនាំយកកីឡាករវ័យ 21 ឆ្នាំរូបនេះមកចូលក្រុមវិញ។
យ៉ាងណាមិញមានរបាយការណ៍មួយបានអះអាងថា កីឡាកររបស់ក្លឹបបិសាចក្រហមមួយចំនួនមិនមានគំនិតចង់ឲ្យក្លឹបនាំយក Greenwood មកវិញនោះទេ ដោយពួកគេគិតថា នឹងប៉ះពាល់ដល់ទម្រង់លេងរបស់ក្រុម ហើយបើគ្មាន Greenwood ក្នុងក្រុម ក៏ Manchester United ទទួលបាន 42 ពិន្ទុពី 21 ប្រកួតនៅ Premier League រដូវកាលនេះដែរ។
ប្រភព: Sportsmole
-
បាល់ទាត់អន្តរជាតិ2 days ago
Chelsea ត្រៀមបើកច្រកផ្លូវឲ្យកីឡាករដែលមានប្រាក់ខែខ្ពស់មួយរូបចាកចេញ នៅរដូវក្ដៅនេះ
-
បាល់ទាត់អន្តរជាតិ2 days ago
Van Dijk គាំទ្រចង់ឲ្យគ្រូបង្វឹករូបនេះ មកដឹកនាំនៅ Liverpool រដូវកាលក្រោយ!!!
-
បាល់ទាត់អន្តរជាតិ2 days ago
កីឡាករសំខាន់ 2 រូបរបស់ Man City នឹងអវត្តមានក្នុងការប្រកួតទល់នឹង Brighton នៅរំលងអាធ្រាតនេះ!!!