បាល់ទាត់អន្តរជាតិ
Joao Felix និយាយថា Neymar ជាខ្សែប្រយុទ្ធស្លាបល្អបំផុតក្នុងពិភពបាល់ទាត់
![](https://x-sportkh.com/wp-content/uploads/2022/09/article-00838-1.jpg)
កាលពីពេលថ្មីៗនេះ តារាឆ្នើមរបស់ក្លឹប Atletico Madrid និងជាកីឡាកររបស់ក្រុមជម្រើសជាតិព័រទុយហ្គាល់ បានលើកឡើងថា Neymar Jr. ដែលជាកីឡាកររបស់ក្លឹប PSG គឺជាខ្សែប្រយុទ្ធស្លាបដែលលេងបានល្អជាងគេបំផុតនៅក្នុងពិភពលោក។
ដោយឡែកកីឡាករសញ្ជាតិប្រេស៊ីល Neymar Jr. បានចូលរួមជាមួយក្លឹប Paris Saint-Germain ដោយផ្ទេរពីក្លឹបអ្នកមានបុណ្យ Barcelona ក្នុងតម្លៃបំបែកកំណត់ត្រាពិភពលោក 222 លានអឺរ៉ូ កាលពីរដូវក្តៅឆ្នាំ 2017។ មកទល់ពេលនេះ គាត់បានលេង 100 ប្រកួតក្នុងលីគឲ្យក្លឹបយក្សបារាំង និងស៊ុតបញ្ចូលទីបាន 77 គ្រាប់។
ខ្សែប្រយុទ្ធវ័យ 30 ឆ្នាំរូបនេះបានជួយក្លឹប Paris Saint-Germain ឲ្យឈ្នះពានធំៗចំនួន 10 ក្នុងនោះមានពាន Ligue 1 ចំនួន 4 និង Coupe de France ចំនួន 3។ គាត់បានឈ្នះពានកីឡាករល្អប្រចាំឆ្នាំរបស់ Ligue 1 ផងដែរនៅឆ្នាំ 2017-18។
ទន្ទឹមនឹងនោះ Joao Felix ក៏ជាកីឡាករបាល់ទាត់ម្នាក់ដែលលេចធ្លោរខ្លាំងផងដែរនៅតំបន់អឺរ៉ុប ដោយគាត់បានស៊ុតបញ្ចូលទីបាន 21 គ្រាប់ ក្នុងការបង្ហាញខ្លួន 88 លើកសម្រាប់ Atletico Madrid ចាប់តាំងពីផ្ទេរពី Benfica ក្នុងឆ្នាំ 2019។
ទោះជាយ៉ាងណា Joao Felix បានលើកឡើងពីការយល់ឃើញរបស់គាត់ ដោយចាត់ទុកថា Neymar Jr. ជាខ្សែប្រយុទ្ធស្លាបល្អបំផុតក្នុងចំណោមកីឡាករទាំងអស់។ នៅក្នុងការសួរដេញដោលសំណួរដែលតម្រូវឲ្យឆ្លើយភ្លាមៗពីលោក Adri Contreras ពេលនោះ Joao Felix បានដាក់ឈ្មោះ Neymar Jr. ថាជាខ្សែប្រយុទ្ធស្លាបល្អបំផុតក្នុងពិភពបាល់ទាត់។
ប្រភព: The12thman
-
បាល់ទាត់អន្តរជាតិ2 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ3 days ago
Kroos ប្រាប់ពីវិធីដែល Carlo Ancelotti កុហកកីឡាកររបស់ខ្លួន
-
បាល់ទាត់អន្តរជាតិ3 days ago
សហព័ន្ធកីឡាបាល់ទាត់នៃប្រទេសកាណាដា កំពុងទាក់ទងទៅអតីតគ្រូបង្វឹករបស់ Man United