បាល់ទាត់អន្តរជាតិ
អតីតខ្សែប្រយុទ្ធ John Barnes និយាយថា Arsenal ត្រូវការរកខ្សែប្រយុទ្ធយ៉ាងហោចពីរនាក់ទៀត នៅរដូវក្តៅនេះ ទើបអាចជួយក្រុមបាន
យោងតាមការយល់ឃើញរបស់លោក John Barnes បានឲ្យដឹងថា ក្លឹបកាំភ្លើងធំ Arsenal ត្រូវការពង្រឹងតំបន់ប្រយុទ្ធរបស់ពួកគេ ដោយចុះហត្ថលេខាលើខ្សែប្រយុទ្ធពីរនាក់ទៀត នៅក្នុងទីផ្សារដោះដូរកីឡាកររដូវក្តៅនេះ។
ដោយឡែក Pierre-Emerick Aubameyang បានចាកចេញពីក្លឹប កាលពីខែមករាកន្លងទៅ ដើម្បីចូលរួមជាមួយក្លឹបអ្នកមានបុណ្យ Barcelona ដែលមានន័យថា Mikel Arteta ត្រូវរកខ្សែប្រយុទ្ធម្នាក់មកលេងនៅតំបន់ប្រយុទ្ធ។
យ៉ាងណាមិញ Alexandre Lacazette គឺជាជម្រើសសំខាន់របស់ Arteta ហើយក៏ជាកីឡាករដែលមានតួនាទីពេញលេញជាខ្សែប្រយុទ្ធផងដែរ ប៉ុន្តែកុងត្រារបស់គាត់ ជាមួយក្លឹបនឹងត្រូវផុតកំណត់នៅចុងបញ្ចប់នៃរដូវកាលនេះផងដែរ។ Alexandre Lacazette ក៏ទំនងជាមិនបន្តកុងត្រាជាមួយ Arsenal បន្តទៀតឡើយ។ ដូច្នេះសរុបការបាត់បង់កីឡាករ គឺ Arsenal បានបាត់ខ្សែប្រយុទ្ធដែលមានតួនាទីបញ្ចប់ទីច្បាស់ចំនួន 2 នាក់ ហើយត្រូវរកខ្សែប្រយុទ្ធ 2 នាក់ មកជំនួសឲ្យការបាត់បង់នេះ។
ក្លឹបកាំភ្លើងធំ Arsenal ត្រូវបានគេរាយការណ៍ថា បានចាប់អារម្មណ៍ក្នុងការចុះហត្ថលេខាលើ Dusan Vlahovic ពី Fiorentina កាលពីខែមករាកន្លងទៅ ប៉ុន្តែខ្សែប្រយុទ្ធកណ្តាលរូបនេះ បានចូលរួមជាមួយក្រុមសេះបង្កង់ Juventus នៃក្របខ័ណ្ឌ Serie A បាត់ទៅហើយ។
ប្រភព: Metro
រឿងរ៉ាវប្លែកៗទាំង 7 យ៉ាង ដែលអ្នកទាំងអស់គ្នាមិនធ្លាប់ដឹងពី Marco Reus
Barcelona កំពុងពិចារណាលក់ខ្សែបម្រើវ័យ 21 ឆ្នាំរបស់ខ្លួននៅរដូវក្ដៅនេះ!!!
Mbappe កំពុងចរចាទិញផ្ទះរបស់ Sergio Ramos ដែលស្ថិតនៅក្នុងទីក្រុង Madrid
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
