បាល់ទាត់អន្តរជាតិ
AC Milan នឹងបញ្ជូន Sergino Dest ឲ្យត្រឡប់មក Barcelona វិញ នៅចុងបញ្ចប់នៃរដូវកាលនេះ
យោងតាមរបាយការណ៍ចុងក្រោយមួយដែលចុះផ្សាយដោយ La Gazzetta dello Sport បានឲ្យដឹងថា ខ្សែការពារ Sergino Dest នឹងត្រឡប់ទៅ Barcelona វិញនៅចុងបញ្ចប់នៃរដូវកាលនេះ ខណៈដែល AC Milan មិនសម្រេចចិត្តទិញផ្ដាច់កុងត្រារបស់កីឡាកររូបនេះឡើយ។
យ៉ាងណាមិញ ក្រៅពីឲ្យ Sergino Dest ត្រឡប់មកក្លឹបចាស់របស់ខ្លួនវិញនោះ AC Milan ក៏កំពុងរៀបចំលក់កីឡាកររបស់ខ្លួនយ៉ាងហោចណាស់ 3 នាក់ផងដែរ ដែលរួមមាន Ante Rebic, Fode Ballo-Toure និង Yacine Adli។ ក្លឹបម្ចាស់ជើងឯករបស់អ៊ីតាលីមួយនេះត្រូវបានគេដឹងថា ត្រូវការកាត់បន្ថយការចំណាយប្រាក់ឈ្នួលទៅលើកីឡាកររបស់ពួកគេ ដើម្បីរក្សាបាននូវតុល្យភាពហិរញ្ញវត្ថុរបស់ខ្លួន។ AC Milan ត្រូវបានគេរំពឹងថា នឹងសន្សំបាន 15 លានអឺរ៉ូ ពីប្រាក់ខែរបស់កីឡាករដែលចាកចេញនៅចុងបញ្ចប់នៃរដូវកាល។
ដូចគ្នានេះដែរ យោងតាមរបាយការណ៍ដែលបានអះអាងដោយលោក Fabrizio Romano កាលពីម្សិលមិញនេះ បានឲ្យដឹងថា ស្ថានភាពរបស់ Sergino Dest មិនមានការផ្ដាស់ប្ដូរឡើយ ចាប់តាំងពីខែធ្នូមក ដោយក្លឹប AC Milan នៅតែមិនមានគម្រោងទិញផ្ដាច់កុងត្រារបស់គាត់ដដែល។ ពួកគេនឹងឲ្យខ្សែការពារស្តាំសញ្ជាតិអាមេរិចរូបនេះ ត្រឡប់ទៅ Barcelona វិញ នៅពេលភារកិច្ចនៃការខ្ចីជើងបញ្ចប់ទៅ។
ប្រភព: Football-Italia
សង្គ្រាមដណ្ដើមចំណាត់ថ្នាក់លេខ 2 រវាង Girona និង Barcelona នៅយប់នេះ!!!
Barcelona កំពុងសម្លឹងមើលជម្រើសនៃការចុះហត្ថលេខាលើខ្សែបម្រើកណ្ដាល Thomas Partey
Barcelona និង Atletico Madrid ចាប់អារម្មណ៍លើខ្សែបម្រើសញ្ជាតិអាមេរិក ដែលកំពុងឡើងជើងខ្លាំង
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
