បាល់ទាត់អន្តរជាតិ
Sergino Dest ប្រឈមនឹងការបញ្ចប់កុងត្រាមុនកំណត់ ប្រសិនបើមិនមានក្លឹបណាមួយចង់បានគាត់ទេនោះ
ខ្សែការពារស្ដាំដែលធ្លាប់តែមានទម្រង់លេងលេចធ្លោរខ្លាំងជាមួយក្លឹប AFC Ajax នោះ ពេលនេះកំពុងប្រឈមនឹងការបញ្ចប់កុងត្រាមុនកំណត់ពីក្លឹបបច្ចុប្បន្នរបស់ខ្លួន។ កីឡាករសញ្ជាតិអាមេរិចរូបនេះ នៅមានកុងត្រានៅ Camp Nou រហូតដល់ឆ្នាំ 2025 ប៉ុន្តែ Barcelona កំពុងគិតគូរពីការបញ្ចប់កុងត្រារបស់គាត់មុនកំណត់ ប្រសិនបើមិនមានក្លឹបណាមួយអាចចុះហត្ថលេខា រឺខ្ចីជើងគាត់ទេនោះ។
ខ្សែការពារស្តាំវ័យ 22 ឆ្នាំរូបនេះបានបញ្ចប់ការផ្ទេរក្នុងតម្លៃ 21 លានអឺរ៉ូទៅកាន់ក្លឹប Barcelona ក្នុងឆ្នាំ 2020 ហើយគិតចាប់តាំងពីពេលនោះមកទល់នឹងបច្ចុប្បន្ន គាត់បានចូលលេងត្រឹមតែ 72 ប្រកួតប៉ុណ្ណោះសម្រាប់ក្លឹបយក្សកាតាឡាន់ និងបានចំណាយពេលពេញមួយរដូវកាល 2022-2023 ជាមួយនឹងការខ្ចីជើងទៅ AC Milan។
ថ្មីៗនេះ Sergino Dest មានឱកាសបង្ហាញខ្លួនជាមួយ Barceclona នៅក្នុងការប្រកួតមុនបើករដូវកាល ដោយលេង 15 នាទីចុងក្រោយនៃការប្រកួត EL Clasico ជាមួយ Real Madrid ក្នុងទីក្រុង Dallas ប៉ុន្តែទម្រង់លេងរបស់គាត់នៅតែមិនអាចទាក់ចិត្តគ្រូបង្វឹកលោក Xavi Hernandez បាន ខណៈដែលក្លឹប Barcelona ក៏មិនបានទទួលការដេញថ្លៃពីក្លឹបណាមួយទៅលើកីឡាកររូបនេះដែរ។
យោងតាមការអះអាងរបស់លោក Javi Miguel ដែលជាអ្នកកាសែតរបស់ AS បានឲ្យដឹងថា បច្ចុប្បន្ននេះ Barcelona កំពុងពិចារណាលើការបញ្ចប់កុងត្រារបស់ Sergino Dest មុនកំណត់ ដើម្បីអាចយកផលចំណេញពីការដកប្រាក់បៀវត្សរ៍របស់គាត់ មកចំណាយលើរឿងផ្សេងៗទៀតដែលប្រសើរជាងនេះ។
ប្រភព: GOAL
-
បាល់ទាត់អន្តរជាតិ1 day ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ3 days ago
Kroos ប្រាប់ពីវិធីដែល Carlo Ancelotti កុហកកីឡាកររបស់ខ្លួន
-
បាល់ទាត់អន្តរជាតិ3 days ago
សហព័ន្ធកីឡាបាល់ទាត់នៃប្រទេសកាណាដា កំពុងទាក់ទងទៅអតីតគ្រូបង្វឹករបស់ Man United