បាល់ទាត់អន្តរជាតិ
Liverpool ត្រៀមទាក់ទងទៅ Nicolo Barella ជុំវិញការផ្ទេរនារដូវក្ដៅនេះ
ខ្សែបម្រើ Nicolo Barella ដែលកំពុងត្រូវបានផ្សារភ្ជាប់ជាមួយនឹងការចាកចេញទៅ Liverpool ត្រូវបានគេរាយការណ៍ថា ក្លឹប Inter Milan នឹងលក់គាត់ក្នុងតម្លៃត្រឹមតែ 50 លានអឺរ៉ូ (44.2 លានផោន) ប៉ុណ្ណោះ នៅក្នុងទីផ្សារដោះដូរកីឡាករនាពេលខាងមុខ។ ដោយឡែកកីឡាករសញ្ជាតិអ៊ីតាលីរូបនេះ បច្ចុប្បន្នត្រូវបានគេចាត់ទុកថា ជាខ្សែបម្រើឆ្នើមមួយរូបផងដែរ ក្នុងចំណោមខ្សែបម្រើជាច្រើនទៀតនៅតំបន់អឺរ៉ុប។
Nicolo Barella បានចូលរួមជាមួយក្លឹប Inter Milan កាលពីឆ្នាំ 2021 និងបានឈ្នះពានរង្វាន់ Serie A នៅរដូវកាលឆ្នាំ 2020-2021 ដោយពេលនោះ ក្លឹបក្រោមការដឹកនាំរបស់គ្រូបង្វឹកលោក Antonio Conte។ កីឡាករ 26 ឆ្នាំរូបនេះ នៅតែជាកីឡាករដ៏សំខាន់របស់ក្រុមក្រោមការដឹកនាំរបស់គ្រូបង្វឹកថ្មីលោក Simone Inzaghi ដោយនៅរដូវកាលនេះ គាត់បានស៊ុតបញ្ចូលទី 6 គ្រាប់ និងបញ្ជូនបាល់ឲ្យមិត្តរួមក្រុមបាន 8 ដង ក្នុងការបង្ហាញខ្លួនសរុប 38 ប្រកួត។
ខ្សែបម្រើរូបនេះនៅមានកុងត្រាជាមួយ Inter Milan រយៈពេល 3 ឆ្នាំបន្ថែមទៀត ប៉ុន្តែ Liverpool កំពុងត្រៀមនាំយកគាត់មកទឹកដីអង់គ្លេស ដើម្បីបំពេញចំណុចខ្វះខាតនៅតំបន់បម្រើរបស់ខ្លួន។ ជាស្ដែង Inter Milan បានបង្ហើបពីតម្លៃនៃការលក់ Nicolo Barella រួចហើយ ខ្ទង់ប្រមាណជា 44.2 លានផោន (នេះបើយោងតាមរបាយការណ៍ពី Calciomercato)។
ប្រភព: Sportsmole
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
គ្រូបង្វឹករបស់ បាសេឡូណា សម្រេចលុបចោលការប្រារព្ធពិធីជ័យជម្នះ Copa del Rey ទោះមិនទាន់បានលេងក៏ដោយ
ទីបំផុតរកឃើញក្រុមដែលឡើងទៅវគ្គពាក់កណ្តាលផ្តាច់ព្រ័ត្រពានរង្វាន់ UCL ហើយ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
