បាល់ទាត់អន្តរជាតិ
Jordi Alba៖ Lionel Messi ត្រឡប់មក Barcelona វិញ នឹងក្លាយជារឿងដ៏ល្អឥតខ្ចោះសម្រាប់ខ្ញុំ
ខ្សែការពារឆ្វេង Jordi Alba របស់ក្លឹបអ្នកមានបុណ្យ Barcelona បាននិយាយអំពីរឿងដែលពាក់ព័ន្ធនឹងការវិលត្រឡប់មកវិញរបស់តារាឆ្នើម Lionel Messi ដោយលើកឡើងថា គាត់នឹងសប្បាយចិត្តខ្លាំងបំផុត ប្រសិនបើអតីតមិត្តរួមក្រុមរូបនេះវិលត្រឡប់មក Camp Nou វិញ។
យ៉ាងណាមិញ Jordi Alba និង Lionel Messi ជាកីឡាករចាស់វស្សារបស់ Barcelona និងមានទំនាក់ទំនងដ៏ល្អ កំឡុងពេលដែលពួកគេលេងជាមួយគ្នានៅក្លឹបយក្សកាតាឡាន់ មុនពេល Messi ត្រូវបានចាកចេញទៅ PSG។ កីឡាករសញ្ជាតិអេស្ប៉ាញបាននិយាយទៅកាន់ GOAL ថ្មីៗនេះ អំពីលទ្ធភាពនៃការជួបជុំគ្នាជាមួយម្ចាស់ពាន Ballon d’Or 7 សម័យកាល ដោយលើកឡើងថា៖ “វា គឺជាការសម្រេចចិត្តរបស់ Messi។ និយាយតាមត្រង់ទៅ យើងមិនគួរនិយាយអំពីប្រធានបទនេះទេ ប៉ុន្តែវាច្បាស់ណាស់ថា ពេលវេលាចុងក្រោយ ក្នុងការឃើញ Messi នៅក្រុមផ្សេងក្រៅពី Barcelona តែងតែជារឿងចម្លែក”។
Jordi Alba បានបន្ថែមទៀតថា៖ “នៅទីបញ្ចប់ ប្រសិនបើគាត់ចង់ត្រឡប់មកវិញ ហើយក្លឹបចង់នាំយកគាត់មក វាគឺល្អឥតខ្ចោះសម្រាប់ខ្ញុំ។ គាត់ គឺជាកីឡាករដែលលេងបានយល់ចិត្តគ្នាបំផុតជាមួយខ្ញុំនៅលើទីលាន”។
យ៉ាងណាមិញ បច្ចុប្បន្នកីឡាករជើងចាស់ Jordi Alba នៅមានកុងត្រាជាមួយក្លឹបអ្នកមានបុណ្យ Barcleona រហូតដល់ឆ្នាំ 2024 ប៉ុន្តែគាត់មានឱកាសលេងបានតិចតួចបំផុតនៅរដូវកាលនេះ ដោយសារតែភាពលេចធ្លោររបស់ Alejandro Balde ដែលប្រជែងតំណែងលេងជាជម្រើស 11 នាក់ដំបូងក្រោមការដឹកនាំរបស់លោក Xavi Hernandez។
ប្រភព: Barcablaugranes
-
បាល់ទាត់អន្តរជាតិ1 day ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ3 days ago
Kroos ប្រាប់ពីវិធីដែល Carlo Ancelotti កុហកកីឡាកររបស់ខ្លួន
-
បាល់ទាត់អន្តរជាតិ3 days ago
សហព័ន្ធកីឡាបាល់ទាត់នៃប្រទេសកាណាដា កំពុងទាក់ទងទៅអតីតគ្រូបង្វឹករបស់ Man United