បាល់ទាត់អន្តរជាតិ
Pep Guardiola ថា Real Madrid ជាក្រុមតែមួយគត់ ដែលអាចមានឱកាសឈ្នះពាន UCL រៀងរាល់ឆ្នាំ
គ្រូបង្វឹករបស់ក្លឹបមេឃខៀវ Manchester City លោក Pep Guardiola បាននិយាយថា មានតែក្លឹបអធិរាជស Real Madrid មួយប៉ុណ្ណោះដែលមានសមត្ថភាព ក្នុងការឈ្នះពានរង្វាន់ UEFA Champions League ជារៀងរាល់រដូវកាលបាន។
ដោយឡែកកាលពីម្សិលមិញនេះ លោក Pep Guardiola ទើបនឹងបានឈ្នះការប្រកួតវគ្គផ្ដាច់ព្រ័ត UCL ដោយនេះជាលើកទី 4 ហើយសម្រាប់គាត់ក្នុងការដឹកនាំក្រុមមកលេងដល់វគ្គផ្ដាច់ព្រ័តក្នុងក្របខណ្ឌ UEFA Champions League នេះ។ ពីរដងជាមួយ Barcelona និង 2 ដង ជាមួយ Manchester City។
Pep Guardiola បានជួយក្លឹប Manchester City ឲ្យឈ្នះពាន UCL ជាលើកដំបូងក្នុងប្រវត្តិសាស្ត្ររបស់ពួកគេ បន្ទាប់ពីយកឈ្នះ Inter Milan ក្នុងលទ្ធផល 1-0 កាលពីរំលងអាធ្រាតយប់មិញនេះ។ ពានដ៏កម្រ និងមិនងាយឈ្នះមួយនេះ បានធ្វើឲ្យក្លឹប និងអ្នកគាំទ្រសាទរជាខ្លាំង ខណៈដែល Real Madrid ស្ទើរតែចាត់ទុកថា នេះជាពានធម្មតាទៅហើយសម្រាប់ពួកគេ ដោយក្លឹបយក្សអេស្ប៉ាញមួយនេះឈ្នះវាបាន 14 ដងរួចមកហើយ។
គ្មានក្លឹបណាមួយ ដែលមានកំណត់ត្រាធ្លាប់ឈ្នះពាន UCL នេះ ច្រើនជា Real Madrid នោះឡើយ ហើយក៏ជាហេតុផលមួយដែលមជ្ឈដ្ឋានបាល់ទាត់ចាត់ទុកថា ពួកគេជាក្លឹបធំបំផុតនៅលើលោក។ ទន្ទឹមនឹងនេះដែរ ក្រោយចប់ការប្រកួតលោក Pep Guardiola បាននិយាយថា៖ “ការឈ្នះពាន Premier League ចំនួន 5 គឺពិសេស ប៉ុន្តែគេបាននិយាយថា ទេ! អ្នកត្រូវតែឈ្នះពាន 3 ក្នុងមួយរដូវកាល។ ខ្ញុំល្អ ប៉ុន្តែខ្ញុំមិនល្អគ្រប់គ្រាន់ ដើម្បីឈ្នះពាន 3 គ្រប់រដូវកាលទេ។ UCL គឺពិបាកណាស់។ Real Madrid មានសមត្ថភាពធ្វើវាបានរាល់ឆ្នាំ។ មនុស្សចាត់ទុកថា ការឈ្នះ Premier League គ្មានន័យ។ ឥឡូវនេះយើងអាចទទួលបានតម្លៃនៃការឈ្នះ Premier Leagues 5 ដងហើយ”។
ប្រភព: Dailypost NG
-
បាល់ទាត់អន្តរជាតិ3 days ago
Man City កំពុងស្វែងរកឱកាសលក់ខ្សែប្រយុទ្ធស្លាប Jack Grealish
-
បាល់ទាត់អន្តរជាតិ2 days ago
Man United កំពុងរៀបចំសំណើរទិញខ្សែប្រយុទ្ធ Ollie Watkins របស់ Aston Villa
-
បាល់ទាត់អន្តរជាតិ2 days ago
Aston Villa ដណ្ដើមបានកៅអីលេង UEFA Champions League ជាលើកដំបូង ក្រោយខកខានតាំងពីឆ្នាំ 1983 មក