បាល់ទាត់អន្តរជាតិ
Barcelona ប្រកាសបញ្ចប់កុងត្រារបស់ខ្សែការពារ Umtiti
នៅទីបំផុតក្លឹបអ្នកមានបុណ្យ Barcelona បានបញ្ចប់កុងត្រារបស់ Samuel Umtiti ហើយ ស្របពេលដែលគ្រូបង្វឹករបស់ក្លឹបលោក Xavi Hernandez មិនត្រូវការប្រើប្រាស់កីឡាកររូបនេះឡើយ។ ខ្សែការពារសញ្ជាតិបារាំង Samuel Umtiti បានចូលរួមជាមួយក្លឹប Barcelona ដោយផ្ទេរពីក្លឹប Lyon ក្នុងឆ្នាំ 2016។
ចាប់តាំងពីបានផ្ទេរចូលរួមជាមួយក្លឹបយក្សកាតាឡាន់មក Samuel Umtiti បានបង្ហាញនូវទម្រង់លេងដ៏អស្ចារ្យ និងត្រូវបានគេចាត់ទុកជាខ្សែការពារឆ្នើមម្នាក់នៅលីគកំពូលនៃប្រទេសអេស្ប៉ាញ។ ទោះជាយ៉ាងណាក៏ដោយ ខ្សែការពារសញ្ជាតិបារាំងរូបនេះ បានធ្លាក់ចុះនូវទម្រង់លេងដោយសារតាមរំខានពីរបួស ហើយបន្ទាប់មកគាត់ក៏ស្ថិតចូលក្នុងបញ្ហារបស់ក្លឹប។
អតីតកីឡាករក្រុមជម្រើសជាតិបារាំងរូបនេះ ស្ទើរតែមិនទទួលបានឱកាសក្នុងការប្រកួតលើទីលានទាំងស្រុងទៅហើយក្នុងរដូវកាលមុននេះ ហើយត្រូវបាន Barcelona បញ្ជូនទៅឲ្យ Lecce ខ្ចីជើង។ ក្រោយចប់ភារកិច្ចខ្ចីជើង ជាមួយក្លឹប Lecce ពេលនេះ Barcelona បានចេញសេចក្តីថ្លែងការណ៍បញ្ចប់កុងត្រារបស់ខ្សែការពារកណ្ដាលរូបនេះដោយប្រាប់ថា ក្លឹបរបស់ពួកគេ និងកីឡាករ Samuel Umtiti បានឈានដល់ចំណុចបញ្ចប់នៃកិច្ចព្រមព្រៀងមុនកំណត់ ហើយគេនឹងលែងជាកីឡាកររបស់ Barcelona ចាប់ពីពេលនេះតទៅ។
ប្រភព: Dailypost NG
AC Milan ចង់ចុះហត្ថលេខាលើខ្សែប្រយុទ្ធឆ្នើម Ollie Watkins
Marco Verratti ទាក់ទងចង់ផ្ទេរមកចូលរួមជាមួយ Barcelona នៅរដូវក្ដៅនេះ!!!
Barcelona កំពុងរកឱកាសលក់ Ansu Fati និង Lenglet ទៅឲ្យក្លឹបនៅអារ៉ាប៊ីសាអូឌីត
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
