ផ្លូវការណ៍៖ Barcelona ប្រកាស​ពី​ការ​ចុះ​ហត្ថលេខា​ផ្ទេរ​ខ្សែការពារ Inigo Martinez

នៅ​ប៉ុន្មាន​ម៉ោង​មុន​នេះ ក្លឹប​អ្នក​មាន​បុណ្យ Barcelona បាន​ប្រកាស​ជា​ផ្លូវការណ៍​ពី​ការ​នាំ​យក​ខ្សែការពារ​ចំណូល​ថ្មី Inigo Martinez ដោយ​ផ្ទេរ​ពី​ក្លឹប Athletic Bilbao។ យ៉ាង​ណា​មិញ Martinez បាន​ចូលរួម​ជាមួយ​ក្លឹប​យក្ស​កាតាឡាន់​ដោយ​មិន​មាន​តម្លៃ​ខ្លួន​ឡើយ បន្ទាប់​ពី​គាត់​បាន​ផុត​កុងត្រា​ជាមួយ​ក្លឹប​ចាស់​របស់​ខ្លួន។

ទន្ទឹម​នឹង​នេះ​ដែរ Inigo Martinez បាន​ក្លាយ​ជា​កីឡាករ​ទី 3 ដែល Barcelona នាំ​ចូល​នា​រដូវក្ដៅ​នេះ បន្ទាប់​ពី Ilkay Gundogan និង Mikayil Faye។ ខ្សែការពារ​សញ្ជាតិ​អេស្ប៉ាញ​រូប​នេះ ​ជាខ្សែការពារកណ្តាល​មួយ​រូប​ដែល​មាន​បទពិសោធន៍​នឹង​ការ​ប្រកួត​ធំៗ ហើយ​ក៏​ជា​ទីពេញ​ចិត្ត​របស់​លោក Xavi Hernandez ដែល​ជា​គ្រូ​បង្វឹក​របស់​ក្លឹប​ផង​ដែរ។

កីឡាករ​វ័យ 32 ឆ្នាំ​រូបនេះ​បាន​ចំណាយ​ពេល 5 ឆ្នាំ​ជាមួយ Athletic Bilbao និង​ជា​កន្លែង​ដែល​គាត់​បាន​ឈ្នះ​ពាន Spanish Super Cup និង​ជើង​ឯករង​ពីរ​ដង​ក្នុង​ក្របខណ្ឌ Copa del Rey។ Martinez គឺ​ជា​កីឡាករ​ដែល​ប្រសូត្រ​ចេញ​ពី​ថ្នាល​យុវជន​របស់​ក្លឹប Real Sociedad និង​បាន​ប្រូម៉ូត​ឡើង​មក​លេង​ជាមួយ​ឈុត​ធំ​ដំបូង​នៅ​ឆ្នាំ 2018។

ប្រភព: Barcablaugranes