បាល់ទាត់អន្តរជាតិ
Arsenal មិនចង់ឲ្យ Declan Rice បន្តពាក់អាវលេខ 41 ដែលជាលេខគាត់ស្រឡាញ់ឡើយ
ក្លឹបកាំភ្លើងធំ Arsenal កំពុងរៀបចំការផ្ទេរសម្រេចចុងក្រោយលើខ្សែបម្រើសញ្ជាតិអង់គ្លេស Declan Rice ជាមួយនឹងតម្លៃខ្លួនថ្លៃបំផុតក្នុងប្រវត្តិសាស្ត្រក្លឹបចំនួន 105 លានអឺរ៉ូ។ យ៉ាងណាមិញ ពួកគេប្រហែលជាមិនអនុញ្ញាតឲ្យគាត់បន្តប្រើប្រាស់អាវលេខ 41 ដែលជាលេខដែល Declan Rice ចូលចិត្តនោះទេ។
ខ្សែបម្រើកណ្ដាលរូបនេះ បានប្រើប្រាស់អាវលេខ 41 នៅ West Ham United អស់រយៈពេលជាច្រើនឆ្នាំមកហើយ រហូតដល់អ្នកគាំទ្រចាត់ទុកថា លេខនេះគឺជាលេខប្រចាំត្រកូលរបស់គាត់ទៅហើយ។ សម្រាប់ក្លឹបថ្មី ដែលជាក្លឹបកាំភ្លើងធំ Arsenal ជាទូទៅមិនអនុញ្ញាតឲ្យកីឡាករជ្រើសរើសលេខអាវចំនួនច្រើន និងមិនមែនជាលេខដែលស្ថិតក្នុងកម្រិតខ្ពស់នោះឡើយ។
ដូចគ្នានេះដែរ កាលពីអតីតកាល នៅពេលដែលអតីតខ្សែប្រយុទ្ធ Alex Iwobi ត្រូវបានប្រូម៉ូតឡើងពីឈុតយុវជនមកលេងជាមួយឈុតធំ គាត់ក៏មិនអាចបន្តប្រើប្រាស់លេខ 45 ដែលគាត់ពេញចិត្តដែរ ហើយត្រូវប្តូរយកអាវលេខ 17 ជំនួសវិញ។ ងាកមកវិញ សម្រាប់ Declan Rice ក្លឹបកាំភ្លើងធំអាចនឹងប្រគល់អាវលេខ 5 ដល់គាត់ ប្រសិនបើ Thomas Partey ត្រូវលក់ចេញ។ ជម្រើសមួយផ្សេងទៀតគឺលេខ 6 ដោយរុញខ្សែការពារ Gabriel Magalhaes ទៅពាក់លេខ 5 វិញ ហើយ Declan Rice យកលេខ 6។
ប្រភព: Goal
ក្លឹបបាល់ទាត់នៅបារាំងដែល Mbappe ទើបតែទិញ កំពុងជួបបញ្ហាធ្ងន់ធ្ងរមិនធ្លាប់មាន
គ្រូបង្វឹករបស់ បាសេឡូណា សម្រេចលុបចោលការប្រារព្ធពិធីជ័យជម្នះ Copa del Rey ទោះមិនទាន់បានលេងក៏ដោយ
ទីបំផុតរកឃើញក្រុមដែលឡើងទៅវគ្គពាក់កណ្តាលផ្តាច់ព្រ័ត្រពានរង្វាន់ UCL ហើយ
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
