បាល់ទាត់អន្តរជាតិ
Victor Osimhen នឹងទទួលបានប្រាក់ពលកម្ម 1 លានផោន ក្នុងមួយសប្តាហ៍ ប្រសិនបើគាត់ព្រមចាកចេញពី Napoli
ក្លឹបរបស់អារ៉ាប៊ីសាអូឌីត Al Hilal ត្រូវបានគេដឹងថា បានដាក់សំណើរជាទឹកប្រាក់ 140 លានអឺរ៉ូ ទៅ Napoli ដើម្បីផ្ទេរយកខ្សែប្រយុទ្ធ Victor Osimhen (នេះបើយោងតាម Sky Sports បានចុះផ្សាយ)។ សម្រាប់ប្រាក់ពលកម្មដែលពួកគេបានផ្តល់ជូនសម្រាប់ Osimhen គឺមានចំនួនរហូតដល់ 1 លានផោន ក្នុងមួយសប្តាហ៍។
ថ្វីត្បិតតែគោលដៅបន្ទាប់របស់ Victor Osimhen មិនទាន់ត្រូវបានគេដឹងថា ជាក្លឹបណាមួយក៏ដោយ តែកីឡាករសញ្ជាតិនីហ្សេរីយ៉ារូបនេះ ត្រូវបានគេគិតថា នឹងចាកចេញពីទឹកដីអ៊ីតាលីនៅរដូវក្ដៅនេះ។ កាលពីរដូវកាលមុន Osimhen បានរួមចំណែកដ៏សំខាន់ ក្នុងការជួយឲ្យក្លឹបរបស់ខ្លួនក្លាយជាម្ចាស់ពាន Serie A ដោយស៊ុតបញ្ចូលទីបាន 26 គ្រាប់ និង 4 Assists។
បច្ចុប្បន្ន Victor Osimhen នៅមានកុងត្រាជាមួយក្លឹបបច្ចុប្បន្នដល់ឆ្នាំ 2025 ប៉ុន្តែ Napoli កំពុងចរចាឲ្យគាត់ចុះកុងត្រាថ្មីរយៈពេល 2 ឆ្នាំបន្ថែមទៀត រហូតដល់ឆ្នាំ 2027។ ប្រសិនបើគាត់ចុះហត្ថលេខាបន្តកុងត្រាថ្មី នោះលក្ខខណ្ឌនៃតម្លៃខ្លួនលក់ចេញរបស់ខ្សែប្រយុទ្ធរូបនេះមានចំនួន 150 លានអឺរ៉ូ។ ប្រធានក្លឹប Napoli ចង់លក់ Victor Osimhen ជាមួយនឹងតម្លៃ 200 លានអឺរ៉ូ ប៉ុន្តែអ្នកតំណាងរបស់ Osimhen បានចរចាជាមួយក្លឹបផ្សេងៗ ក្នុងតួលេខនៃទឹកប្រាក់ទាបជាងនេះ។
ប្រភព: Dailypost NG
Mascherano ធ្វើជាគ្រូបង្វឹករបស់ Miami សំអាងលើ Messi និង Suarez?
ការសម្រេចចិត្តចុងក្រោយរបស់ Cristiano ចំពោះក្លឹប Al Nassr សម្រាប់ឆ្នាំ ២០២៥
អ្នកមកចែចូវ Vini JR ពី Real Madrid លើកនេះមិនក្រីក្រប៉ុន្មានទេ!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
