បាល់ទាត់អន្តរជាតិ
ធ្លាប់ល្អក់កករនឹងគ្នាមែន ប៉ុន្តែពេលនេះក្លឹប Napoli ត្រៀមចរចាកុងត្រាថ្មីជាមួយ Victor Osimhen
នាយកប្រតិបត្តិផ្នែកកីឡាកររបស់ក្លឹប Napoli គឺលោក Mauro Meluso បានបង្ហើបថា ក្លឹបនឹងធ្វើការពិភាក្សាលើការបន្តកុងត្រាថ្មីជាមួយ Victor Osimhen នៅប៉ុន្មានសប្តាហ៍ខាងមុខនេះ។ យ៉ាងណាមិញ កាលពីមួយរយៈមុន Osimhen មើលទៅហាក់មិនអាចមានផ្លូវវែងឆ្ងាយ ក៏ដូចជាមិនអាចបន្តកុងត្រាថ្មីជាមួយក្លឹបបច្ចុប្បន្នរបស់ខ្លួនឡើយ បន្ទាប់ពីមានរឿងអាស្រូវទាស់ទែងគ្នាពាក់ព័ន្ធនឹងការបង្ហោះវីដេអូសើចចំអកខ្សែប្រយុទ្ធរូបនេះនៅលើ TikTok។
ក្លឹបម្ចាស់ជើងឯក Serie A ក៏មិនសប្បាយចិត្តដែរ បន្ទាប់ពីកីឡាករនីហ្សេរីយ៉ារូបនេះ ត្រឡប់ពីបំពេញកាតព្វកិច្ចជាមួយក្រុមជម្រើសជាតិវិញដោយមានរបួសកាលពីសប្តាហ៍មុន។ ទោះជាយ៉ាងណាក៏ដោយលោក Mauro Meluso ដែលជាថ្នាក់ដឹកនាំម្នាក់របស់ក្លឹប បាននិយាយថា Napoli កំពុងរៀបចំផែនការ លើកិច្ចពិភាក្សាកុងត្រាជាមួយអ្នកតំណាងរបស់កីឡាករវ័យ 24 ឆ្នាំរូបនេះ នៅពីរបីសប្តាហ៍ខាងមុខ។
Mauro Meluso បាននិយាយថា ថ្នាក់ដឹកនាំរបស់ក្លឹប និង Osimhen ត្រៀមជួបចរចាគ្នាក្នុងរយៈពេលប៉ុន្មានសប្តាហ៍ខាងមុខ ដែលវាពាក់ព័ន្ធជាមួយនឹងការបន្តកុងត្រាថ្មីលើកុងត្រាបច្ចុប្បន្នសម្រាប់កីឡាករឆ្នើមរូបនេះ។ គួរដឹងផងដែរថា កុងត្រាបច្ចុប្បន្នរបស់ Victor Osimhen មានសុពលភាពដល់ចុងបញ្ចប់នៃរដូវកាលឆ្នាំ 2025 ហើយប្រសិនបើគាត់មិនបន្តកុងត្រាថ្មីទេ នៅពេលនោះគាត់នឹងចាកចេញដោយគ្មានតម្លៃខ្លួន ក្នុងនាមជាកីឡាករដែលផុតកុងត្រា។
ប្រភព: Dailypost NG
Marcelo ប្រកាសចូលនិវត្តន៍ពីបាល់ទាត់ ក្នុងវ័យ ៣៦ឆ្នាំ
Mathys Tel បដិសេធ Man Utd និង Arsenal ទៅចូលរួមជាមួយ Spur
មានរបស់ល្អមិនចេះប្រើ Chelsea យល់ព្រមឱ្យ AC Milan ខ្ចីជើង Joao Felix!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
