បាល់ទាត់អន្តរជាតិ
គ្រូ Man United បញ្ជាក់ថា មិនចង់លក់ Harry Maguire ឡើយ
គ្រូបង្វឹករបស់ក្លឹបបិសាចក្រហម Manchester United លោក Erik ten Hag បានបញ្ជាក់សារជាថ្មីម្ដងទៀតថា គាត់មានគម្រោងរក្សាទុក Harry Maguire បន្តទៀត ដែលមានន័យថា ខ្សែការពារកណ្ដាលរូបនេះប្រហែលជានឹងមិនចាកចេញពី Old Trafford នៅរដូវក្តៅនេះទេ។
ប៉ុន្មានសប្ដាហ៍ចុងក្រោយនេះមានការជជែកវែកញែកជាច្រើនពាក់ព័ន្ធនឹងអនាគតរបស់ Harry Maguire ដែលមជ្ឃដ្ឋានបាល់ទាត់បានមើលឃើញថា ក្លឹបបិសាចក្រហមនឹងលក់ខ្សែការពាររូបនេះចេញក្នុងតម្លៃដ៏សមរម្យមួយ បើទោះបីជាពេលដែលពួកគេធ្លាប់បានចំណាយប្រាក់រហូតដល់ 80 លានផោន ពេលផ្ទេរ Maguire ពី Leicester City ក៏ដោយ។
ថ្មីៗនេះ Harry Maguire ត្រូវបានក្លឹបដកតំណែងជាកាពីតែនក្រុម ហើយក្លឹប West Ham United នៅតែបន្តទាក់ទងចង់ចុះហត្ថលេខាលើគាត់ឲ្យបានមុនរដូវកាលថ្មីចាប់ផ្ដើម។ ក្លឹបញញួរធំ West Ham United បានដាក់សំណើរ 20 លានផោន សម្រាប់កីឡាករវ័យ 30 ឆ្នាំរូបនេះ ប៉ុន្តែត្រូវបានបិសាចក្រហម បដិសេធភ្លាមៗ។ ដូចគ្នានេះដែរថ្មីៗនេះ Erik ten Hag បាននិយាយថា គាត់ចង់រក្សាទុក Harry Maguire បន្តទៀត និងផ្ដល់ឱកាសលេងដល់គាត់ នៅរដូវកាលក្រោយ។
ប្រភព: Sportsmole
កំពុងឡើងជើងខ្លាំង និងត្រូវបានក្លឹបធំៗចាប់អារម្មណ៍ផងនោះ កីឡាកររូបនេះបែរជាត្រូវសម្រាកពីបាល់ទាត់រយៈពេល 1 ឆ្នាំ
Inter Miami កំពុងចរចាផ្ទេរមិត្តរួមក្រុមជម្រើសជាតិអាហ្សង់ទីនរបស់ Messi
Michael Owen អះអាងថា រវាង Real Madrid និង Bayern Munich នឹងមានមួយក្រុម ដែលឈ្នះពាន UCL រដូវកាលនេះ!!!
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
