បាល់ទាត់អន្តរជាតិ
Barcelona សម្រេចចិត្តលក់ខ្សែបម្រើ Franck Kessie
ខ្សែបម្រើ Franck Kessie របស់ក្លឹបអ្នកមានបុណ្យ Barcelona កំពុងតែខិតជិតមែនទែនហើយ ក្នុងការផ្ទេរទៅចូលរួមជាមួយក្លឹប Al-Ahli របស់ប្រទេសអារ៉ាប៊ីសាអូឌីត។ ដូចដែលបានរាយការណ៍ដោយ Sun UK បានអះអាងថា ការលក់ Franck Kessie គឺជាគោលបំណងរបស់ក្លឹបយក្សកាតាឡាន់ ដើម្បីជួយសម្រួលខ្លះៗដល់បញ្ហាហិរញ្ញវត្ថុរបស់ពួកគេ។
របាយការណ៍ដដែលនេះដែរ បានបន្ថែមថា កីឡាករវ័យ 26 ឆ្នាំរូបនេះ នឹងលក់ចេញជាមួយនឹងតម្លៃខ្លួន 13 លានផោន ខណៈដែលកុងត្រាបច្ចុប្បន្នរបស់គាត់ជាមួយ Barcelona នៅមានសុពលភាពដល់ថ្ងៃទី 30 ខែមិថុនា ឆ្នាំ 2026។ មជ្ឃដ្ឋានបាល់ទាត់បានមើលឃើញថា ការលក់ Franck Kessie គឺជាការសម្រេចចិត្តដ៏ត្រឹមត្រូវមួយ ព្រោះគេក៏មិនជាកីឡាករជម្រើសដំបូងរបស់ក្លឹបដែរ ណាមួយពេលនេះ Barcelona កំពុងមានខ្សែបម្រើឆ្នើមៗជាច្រើនដែលមានសមត្ថភាពប្រសើរជាងកីឡាករសញ្ជាតិកូតឌីវ័ររូបនេះ។
គួររំលឹកផងដែរថា Franck Kessie បានចូលរួមជាមួយ Barcelona ដោយផ្ទេរពីក្លឹបយក្សរបស់អ៊ីតាលី AC Milan កាលពីមួយឆ្នាំមុន ដោយគ្មានតម្លៃខ្លួន។ ដូចគ្នានេះដែរ ការចាកចេញទៅ Al-Ahli គាត់នឹងក្លាយជាមិត្តរួមក្រុមជាមួយកីឡាករកំពូលៗមួយចំនួនដែលនៅទីនោះ ដូចជា Edouard Mendy, Riyad Mahrez, Allan Saint-Maximin និង Roberto Firmino។
ប្រភព: Dailypost NG
Man City ចង់បានខ្សែប្រយុទ្ធសំខាន់ម្នាក់របស់ Barcelona
Szczesny អាចនឹងត្រូវបានប្រើប្រាស់ជាជម្រើសដំបូង ក្នុងការប្រកួតទល់នឹង Benfica រំលងអាធ្រាតនេះ!!!
Keylor Navas ត្រៀមចុះហត្ថលេខាចូលរួមជាមួយអតីតក្លឹបកាលពីកុមារភាពរបស់ Messi
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
