បាល់ទាត់អន្តរជាតិ
ស្ទើរតែត្រូវលក់ចេញទៅហើយ ពេលនេះបិសាចក្រហមត្រៀមបន្តកុងត្រាថ្មីរយៈពេលវែងដល់ Wan-Bissaka
ក្លឹបបិសាចក្រហម Manchester United ត្រូវបានគេរាយការណ៍ថា កំពុងរៀបចំបើកការពិភាក្សាជាមួយ Aaron Wan-Bissaka និងអ្នកតំណាងរបស់គាត់ជុំវិញការបន្តកុងត្រាថ្មីរយៈពេលវែងនៅ Old Trafford។ យ៉ាងណាមិញកីឡាករវ័យ 25 ឆ្នាំរូបនេះស្ទើរតែត្រូវបិសាចក្រហមលក់ចេញទៅហើយ កាលពីខែមករាកន្លងទៅ។
ជាសំណាងល្អ នៅចុងរដូវកាលមុន 2022-2023 ខ្សែការពារស្ដាំរូបនេះ ត្រូវបានគ្រូបង្វឹកប្រើប្រាស់ជាថ្មីម្ដងទៀត ហើយឲ្យ Diogo Dalot ទៅលេងនៅស្លាបឆ្វេងម្ដងម្កាល។ គាត់ក៏ចាប់ផ្ដើមមានទម្រង់លេងលេចធ្លោរឡើងវិញ ដោយបានបង្ហាញខ្លួនសរុប 34 ប្រកួត និងថែមទាំងបានដណ្ដើមជម្រើសដំបូងពី Diogo Dalot ទៀតផង។
បច្ចុប្បន្ន Wan-Bissaka គឺជាកីឡាករដែលនឹងប្រើប្រាស់ក្នុងជម្រើសដំបូងសម្រាប់ការប្រកួតនៅ Premier League ដោយគ្រូបង្វឹករបស់បិសាចក្រហមលោក Erik ten Hag ហាក់ដូចជាពេញចិត្តនឹងគុណភាពការពាររបស់គាត់ជាងសមត្ថភាពរបស់ Diogo Dalot។ លើសពីនេះទៀត យោងតាមសារព័ត៌មាន Daily Mail បានឲ្យដឹងថា Manchester United គ្រោងនឹងបើកការពិភាក្សាជាមួយខ្សែការពាររូបនេះ លើការបន្ថែមកុងត្រារយៈពេលវែងថ្មីមួយនៅ Old Trafford។
ប្រភព: Sportsmole
Michael Owen អះអាងថា រវាង Real Madrid និង Bayern Munich នឹងមានមួយក្រុម ដែលឈ្នះពាន UCL រដូវកាលនេះ!!!
Jurgen Klopp អាចនឹងត្រឡប់ទៅអតីតក្លឹបចាស់មួយនេះវិញ!!!
AC Milan ចង់ចុះហត្ថលេខាលើខ្សែប្រយុទ្ធឆ្នើម Ollie Watkins
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
