បាល់ទាត់អន្តរជាតិ
មិនអាចផ្ទេរ Lucas Paqueta បាន ពេលនេះ Man City បង្វែរគោលដៅមកលើ Eberechi Eze វិញម្ដង
ក្លឹបមេឃខៀវ Manchester City នឹងពិចារណាលើការផ្ទេរមួយសម្រាប់ខ្សែបម្រើប្រយុទ្ធ Eberechi Eze របស់ Crystal Palace បន្ទាប់ពីបានបរាជ័យ មិនអាចឈានដល់កិច្ចព្រមព្រៀង ដើម្បីចុះហត្ថលេខាលើ Lucas Paqueta របស់ West Ham United បាន។
យ៉ាងណាមិញលោក Pep Guardiola ដែលជាគ្រូបង្វឹករបស់ក្លឹប ត្រូវបានគេដឹងថា នឹងព្យាយាមចុះហត្ថលេខាលើខ្សែបម្រើចំណូលថ្មីម្នាក់ទៀត ឲ្យបានមុនពេលទីផ្សារដោះដូរកីឡាកររដូវក្តៅនេះបិទ បន្ទាប់ពីការចាកចេញរបស់ Ilkay Gundogan ទៅ Barcelona និងរបួសរយៈពេលយូររបស់ Kevin De Bruyne។
ដំបូងឡើយ Man City បានកំណត់គោលដៅលើកីឡាករសញ្ជាតិប្រេស៊ីល Lucas Paqueta ដោយកិច្ចព្រមព្រៀងត្រៀមនឹងសម្រេចបានក្នុងតម្លៃ 80 លានផោន ប៉ុន្តែក្រោយមក អ្វីៗត្រូវលុវចោលវិញ បន្ទាប់ពី Lucas Paqueta ត្រូវបានស៊ើបអង្កេតដោយ FIFA និង FA ជុំវិញការចោទប្រកាន់ថា កីឡាកររូបនេះបានបំពានច្បាប់នៃការលេងល្បែងភ្នាល់។
យោងតាមកាសែត Daily Mail បានឲ្យដឹងថា ពេលនេះ Man City កំពុងពិចារណាផ្ទេរតារាឆ្នើមរបស់ក្លឹប Crystal Palace គឺកីឡាករ Eberechi Eze ខណៈដែលពួកគេធ្លាប់បានចាប់អារម្មណ៍លើខ្សែបម្រើរូបនេះអស់រយៈពេល 6 ខែមកហើយ។ គេបានដឹងថា Crystal Palace នឹងទាមទារតម្លៃខ្លួនយ៉ាងហោចណាស់ 70 លានផោន សម្រាប់ Eberechi Eze ខណៈដែលពួកគេបានទិញគាត់មកកាលពីឆ្នាំ 2020 ត្រឹមតែ 17 លានផោន ប៉ុណ្ណោះ។
ប្រភព: Sportsmole
-
បាល់ទាត់អន្តរជាតិ3 days ago
តើ Real Madrid នឹងប្រើប្រាស់អ្នកចាំទីរូបណា នៅក្នុងការប្រកួតវគ្គផ្ដាច់ព្រ័ត UEFA Champions League?
-
បាល់ទាត់អន្តរជាតិ1 day ago
Al-Hilal គ្រងតំណែងក្លាយជាម្ចាស់ពានជើងឯកលីគអារ៉ាប៊ីសាអូឌីតប្រចាំឆ្នាំ 2024
-
បាល់ទាត់អន្តរជាតិ3 days ago
Pepe នឹងចាកចេញពី Porto មកចូលរួមជាមួយ Barcelona នៅរដូវក្ដៅនេះ!!!