បាល់ទាត់អន្តរជាតិ
Mohamed Salah នឹងមានប្រាក់ពលកម្មខ្ពស់ជាង Cristiano Ronaldo ទៅទៀត ប្រសិនបើគាត់ព្រមចាកចេញទៅ Al-Ittihad
ខ្សែប្រយុទ្ធស្លាបរបស់ក្លឹបហង្សក្រហម Liverpool គឺកីឡាករ Mohamed Salah អាចនឹងក្លាយជាកីឡាករបាល់ទាត់ដែលរកបានប្រាក់ចំណូលខ្ពង់ជាងគេបំផុតក្នុងពិភពលោក ប្រសិនបើគាត់សម្រេចចិត្តចូលរួមជាមួយក្លឹប Al-Ittihad នៅរដូវក្តៅនេះ។ ក្លឹបនៅអារ៉ាប៊ីសាអូឌីតមួយនេះ ត្រូវបានគេដឹងថា នឹងផ្តល់កុងត្រារយៈពេល 3 ឆ្នាំដែលមានទំហំទឹកប្រាក់ 65 លានផោន ក្នុងមួយឆ្នាំដល់ Mohamed Salah។
ដោយសារវាជាប្រាក់ចំណូលនៅក្នុងប្រទេសដែលមិនជាប់ពន្ធ មានន័យថា កីឡាករសញ្ជាតិអេហ្ស៊ីបរូបនេះ នឹងទទួលបានប្រាក់ពលកម្មប្រចាំសប្តាហ៍ចំនួន 1.25 លានផោន។ លើសពីនេះទៅទៀត Mohamed Salah ត្រូវបានគេមើលឃើញថា នឹងអាចរកប្រាក់ចំណូលបានច្រើនជាង Cristiano Ronaldo ទៅទៀត នៅពេលដែលរាប់បញ្ចូលទាំងប្រាក់រង្វាន់ និងការឧបត្ថម្ភផ្សេងៗទៀត។
ទោះជាយ៉ាងណាក៏ដោយ យោងតាមសារព័ត៌មាន The Independent បានឲ្យដឹងថា Liverpool មិនទាន់ត្រៀមខ្លួនលក់ Mohamed Salah នៅឡើយទេ ប៉ុន្តែការសម្រេចចិត្តអាស្រ័យលើខ្សែប្រយុទ្ធរូបនេះផ្ទាល់ ខណៈដែលសំណើរលុយធំពីក្លឹបនៅមជ្ឈឹមបូព៌ា តែងតែជម្រុញឲ្យគាត់ត្រូវតែពិចារណាម្ដងហើយម្ដងទៀត។
ប្រភព: Dailypost NG
-
បាល់ទាត់អន្តរជាតិ2 days ago
គ្រូ PSG ប្រាប់ឲ្យក្លឹបរបស់ខ្លួនបន្តកុងត្រាថ្មីបន្ថែមទៀតដល់ Vitinha
-
បាល់ទាត់អន្តរជាតិ3 days ago
ខ្លះៗអំពីការប្រកួតរវាង Bayern Munich និង Real Madrid នៅរំលងអាធ្រាតនេះ!!!
-
បាល់ទាត់អន្តរជាតិ2 days ago
Vinicius Jr ស៊ុត 2 គ្រាប់ម្នាក់ឯង ជួយ Real Madrid ឲ្យស្មើក្នុងដី Bayern Munich (មានវីដេអូ)