បាល់ទាត់អន្តរជាតិ
Sergio Ramos បំបែកកំណត់ត្រា ក្លាយជាខ្សែការពារដែលស៊ុតបញ្ចូលទីច្រើនជាងគេនៅ UEFA Champions League
ខ្សែការពារសញ្ជាតិអេស្ប៉ាញរបស់ក្លឹប Sevilla គឺកីឡាករ Sergio Ramos បានស៊ុតបាល់ប៉េណាល់ទីនៅនាទីទី 79 នៃការប្រកួតកាលពីរំលងអាធ្រាតយប់មិញ ដែលជាគ្រាប់បាល់តាមស្មើ 1-1 ទល់នឹងក្លឹប Lens។ ទោះជាយ៉ាងណាក៏ដោយ នៅក្នុងការប្រកួតជុំចុងក្រោយក្នុងវគ្គចែកពូលនៃក្របខ័ណ្ឌ UEFA Champions League នេះ ក្រុមរបស់គាត់បានចាញ់ Lens 2 ទល់នឹង 1។
ការចាញ់នេះដែរ បានធ្វើឲ្យ Sevilla ធ្លាក់ចេញពីក្របខណ្ឌ UEFA Champions League និងជាក្រុមបាតតារាងក្នុងពូល ដោយគ្មានទាំងឱកាសលេង Europa League ផងដែរ។ ទោះជាយ៉ាងណា ការរកបានមួយគ្រាប់ពី Sergio Ramos បានធ្វើឲ្យកីឡាករសញ្ជាតិអេស្ប៉ាញរូបនេះ ក្លាយជាខ្សែការពារដែលរកបានគ្រាប់បាល់ច្រើនជាងគេនៅ UEFA Champions League។
កីឡាករវ័យ 37 ឆ្នាំរូបនេះ ជាខ្សែការពារដ៏អស្ចារ្យ ដែលមានស្ថិតិនៃការស៊ុតបញ្ចូលទីច្រើនជាងគេក្នុងប្រវត្តិសាស្ត្រនៃក្របខ័ណ្ឌ UEFA Champions League។ គ្រាប់បាល់ចុងក្រោយកាលពីប្រកួតរំលងយប់មិញនេះ ជាគ្រាប់បាល់ទី 17 របស់ Ramos នៅ UCL។ ខ្សែការពារកណ្ដាលរូបនេះ បានវ៉ាដាច់មិត្តរួមសញ្ជាតិរបស់គាត់ Gerard Pique ដែលមាន 16 គ្រាប់ និងវ៉ាដាច់កំណត់ត្រារបស់អតីតវីរបុរសឆ្នើម Roberto Carlos ដែលមានគ្រាប់បាល់ស៊ុតបញ្ចូលទី 16 គ្រាប់ដូចគ្នា។
ប្រភព: Telecomasia
-
បាល់ទាត់អន្តរជាតិ2 days ago
Napoli កំណត់គោលដៅលើខ្សែប្រយុទ្ធមួយរូប ដើម្បីមកជំនួស Osimhen
-
បាល់ទាត់អន្តរជាតិ3 days ago
Kroos ប្រាប់ពីវិធីដែល Carlo Ancelotti កុហកកីឡាកររបស់ខ្លួន
-
បាល់ទាត់អន្តរជាតិ3 days ago
សហព័ន្ធកីឡាបាល់ទាត់នៃប្រទេសកាណាដា កំពុងទាក់ទងទៅអតីតគ្រូបង្វឹករបស់ Man United