បាល់ទាត់អន្តរជាតិ
Louis van Gaal អះអាងថា ពាន World Cup 2022 ពិតជាបានរៀបចំទុកជាមុនសម្រាប់ Messi និងអាហ្សង់ទីន
យើងបានដឹងហើយថា កាលពីឆ្នាំមុនក្រុមពពកសអាហ្សង់ទីនបានក្លាយជាម្ចាស់ពាន World Cup ដែលវាការទន្ទឹងរង់ចាំជាយូរមកហើយសម្រាប់ប្រទេស រួមទាំង Lionel Messi ដែលជាកាពីតែនក្រុមដ៏ល្អរបស់ពួកគេ។ Lionel Messi បានឈ្នះពានដ៏ធំចុងក្រោយបង្អស់មួយនេះ ដើម្បីបញ្ជាក់ថា គាត់គឺជាកីឡាករល្អបំផុតក្នុងប្រវត្តិសាស្ត្របាល់ទាត់។
ទោះជាយ៉ាងណាក៏ដោយ ក្នុងដំណើរផ្សងព្រេងនៃការលើកពានរបស់ Messi និងក្រុមជម្រើសជាតិអាហ្សង់ទីន ក៏មានរឿងរ៉ាវចម្រូងចម្រាសជាបន្តបន្ទាប់ផងដែរ ហើយរហូតមកដល់ពេលនេះ អតីតគ្រូបង្វឹករបស់ក្រុមជម្រើសជាតិហូឡង់លោក Louis van Gaal បានបោទប្រកាន់ថា ការប្រកួត World Cup ឆ្នាំ 2022 គឺជាការប្រកួតដែលមានការរៀបចំទុកជាមុនសម្រាប់ Messi និងក្រុមអាហ្សង់ទីន។
បើយើងចោទភ្នែកក្រឡេកទៅមើលការប្រកួតក្នុងអំឡុងពេលនេះ ក្រុមជម្រើសជាតិអាហ្សង់ទីន បានចាញ់ក្នុងការប្រកួតបើកឆាករបស់ពួកគេទល់នឹងអារ៉ាប៊ីសាអូឌីត ប៉ុន្តែប្រកួតបន្តបន្ទាប់ពួកគេបានយកឈ្នះរហូត និងឡើងដល់វគ្គផ្ដាច់ព្រ័ត ដោយផ្ដល់ក្រុមជម្រើសជាតិបារាំង។ ដូចគ្នានេះដែរ ក្រុមរបស់លោក Louis van Gaal ក៏បានចាញ់ក្រោមស្នាដៃរបស់ប្រទេសអាហ្សង់ទីនដូចគ្នាដែរ នៅក្នុងវគ្គ 8 ក្រុមចុងក្រោយ ហើយពេលនោះមានការប្រកួតដ៏តានតឹងបំផុតរហូតឈានដល់បាល់ប៉េណាល់ទីកាត់សេចក្ដី។
ផ្ទុយមកវិញ លោក Louis van Gaal បានអះអាងថា ដំណើរឆ្ពោះទៅកាន់វគ្គផ្ដាច់ព្រ័ត និងការលើកពានរបស់ក្រុមពពកសអាហ្សង់ទីន ពិតជាមានការជួយពីក្រោយខ្នង។ គ្រូបង្វឹកជើងចាស់រូបនេះបានប្រាប់ NOS កាលពីពេលថ្មីៗនេះថា “ខ្ញុំពិតជាមិនចង់និយាយច្រើនអំពីវាទេ។ នៅពេលដែលអ្នកឃើញពីរបៀបដែលអាហ្សង់ទីនរកបានគ្រាប់បាល់ និងរបៀបដែលយើងរកបានគ្រាប់បាល់… ហើយរបៀបដែលកីឡាករអាហ្សង់ទីនមួយចំនួនបានបង្ករកំហុសជាក់ស្ដែង ហើយមិនត្រូវបានពិន័យ នោះខ្ញុំគិតថាវាជាការប្រកួតដែលបានគិតទុកជាមុន”។
ប្រភព: GOAL
-
បាល់ទាត់អន្តរជាតិ2 days ago
Cole Palmer ក្លាយជាកីឡាករវ័យក្មេងទី 3 ក្នុងប្រវត្តិសាស្ត្រ Premier League ដែលស៊ុតបញ្ចូលទីបានច្រើនជាង 20 គ្រាប់ក្នុងមួយរដូវកាល
-
បាល់ទាត់អន្តរជាតិ3 days ago
Xavi រិះគន់ទម្រង់លេងកូនក្រុមរបស់ខ្លួន ក្រោយចាញ់ Girona 4-2
-
បាល់ទាត់អន្តរជាតិ3 days ago
Messi បង្កើតកំណត់ត្រាថ្មីនៅលីគកំពូលអាមេរិក MLS