អតីត​វីរបុស​របស់ Liverpool ថា មាន​តែ​ក្រុម​មួយ​នេះ​ទេ ដែល​អាច​ប្រជែង​ពាន PL ជាមួយ Man City បាន

វីរបុរស​ក្លឹប​ហង្សក្រហម Liverpool លោក Graeme Souness បាន​ជ្រើសរើស​ក្រុម​របស់​លោក Jurgen Klopp ថា​ជា​ក្រុម​តែ​មួយ​គត់ ដែល​មាន​លទ្ធភាព​ដើម្បី​ប្រជែង​ជាមួយ Manchester City សម្រាប់​ការ​ឈ្នះពាន​របស់​ក្របខ័ណ្ឌ Premier League នៅ​រដូវកាល​នេះ​បាន។

គួរ​រំលឹក​ផង​ដែរ​ថា Manchester City បាន​ឈ្នះ​ពាន Premier League កាល​ពី​រដូវកាល​មុន ដោយ​វ៉ា​ដាច់​ពិន្ទុ​របស់ Arsenal, Manchester United, Newcastle និង Liverpool។ ទោះ​ជា​យ៉ាង​ណា​ក៏​ដោយ ពេល​នេះ Graeme Souness ជឿជាក់​ថា Liverpool ដែល​ជា​អតីត​ក្លឹប​របស់​គាត់ នឹង​អាច​បញ្ចប់​រដូវកាល​នៅ Premier League ជាមួយ​នឹង​ចំណាត់​ថ្នាក់​លេខ 1 រឺ 2 នៅ​រដូវកាល​នេះ។

នៅ​ក្នុង​បទសម្ភាសន៍​មួយ​ជាមួយ Mail Online លោក Graeme Souness បាន​លើក​ឡើង​ថា៖ “ខ្ញុំ​នឹង​ធ្វើ​ការ​និយាយ​ដោយ​ច្បាស់ការណ៍​មួយ​អំពី​ការ​ប្រណាំង​ប្រជែង​ពាន Premier League… ហង្សក្រហម Liverpool នឹង​បញ្ចប់​ចំណាត់​ថ្នាក់​លេខ 1 រឺ​លេខ 2 នៅ​រដូវកាល​នេះ។ ខ្ញុំ​បាន​ឃើញ​ពី​ភាព​ខ្លាំង​របស់ Liverpool។ Alexis Mac Allister និង Dominik Szoboszlai ហាក់​ដូចជា​បាន​យល់​​ពី​អ្វី​ដែល​ក្លឹប​របស់​ខ្លួន​ចង់​បាន។… Liverpool គឺ​ជា​ក្រុម​ដែល​មាន​ការ​គំរាម​កំហែង​ខ្លាំង​បំផុត​​សម្រាប់​លោក Pep Guardiola ដោយ​មិន​អាច​ឲ្យ​ពួក​គេ​ឈ្នះ​ពាន 4 រដូវកាល​ជាប់ៗ​គ្នា​បាន”។

ប្រភព: Dailypost NG