បាល់ទាត់អន្តរជាតិ
Thomas Tuchel ជាប់បម្រាមមួយប្រកួត មិនអាចបញ្ជាកូនក្រុមពេលលេងតទល់នឹង Man United នៅរំលងអាធ្រាតនេះឡើយ!!!
លោក Thomas Tuchel ដែលជាគ្រូបង្វឹករបស់ក្លឹប Bayern Munich នឹងជាប់បម្រាមមួយប្រកួតមិនអាចចូលទៅដឹកនាំកូនក្រុមពេលប្រកួតទល់នឹងបិសាចក្រហម Manchester United ដែលជាការប្រកួតក្របខណ្ឌ UEFA Champions League នៅម៉ោង 2 រំលងអាធ្រាត (ម៉ោងនៅកម្ពុជា) នេះបានឡើយ។
Thomas Tuchel នឹងត្រូវគោរពតាមការហាមប្រាមមួយប្រកួត បន្ទាប់ពីគាត់ត្រូវបានអាជ្ញាកណ្ដាលបណ្តេញចេញ ក្នុងអំឡុងពេលនៃការប្រកួតជើងទីពីររដូវកាលមុន វគ្គ 8 ក្រុមចុងក្រោយនៃក្របខណ្ឌ UEFA Champions League ជាមួយ Manchester City កាលពីខែមេសាកន្លងទៅ។
កាលពីរដូវកាលមុន Bayern Munich បានធ្លាក់ចេញត្រឹមវគ្គ 8 ក្រុមចុងក្រោយ ក្រោមស្នាដៃរបស់ Man City បន្ទាប់ពីពួកគេបានចាញ់សរុបទាំងពីរជើង 4-1។ រដូវកាលថ្មីនេះ Bayern Munich នឹងបើកឆាកនៃការប្រកួតវគ្គចែកពូលរបស់ខ្លួនទល់នឹង Man United នៅកីឡដ្ឋាន Allianz Arena ស្របពេលដែល Thomas Tuchel នឹងមិនអាចចូលទៅបញ្ជាកូនក្រុមដោយផ្ទាល់បានឡើយ។
ប្រភព: Dailypost NG