បាល់ទាត់អន្តរជាតិ
ផ្លូវការណ៍៖ Barcelona ប្រកាសពីការបន្តកុងត្រាថ្មីដល់ Xavi Hernandez
ក្លឹបអ្នកមានបុណ្យ Barcelona កាលពីប៉ុន្មានម៉ោងមុននេះ បានប្រកាសថា គ្រូបង្វឹករបស់ពួកគេលោក Xavi Hernandez បានចុះហត្ថលេខាលើការបន្តកុងត្រាថ្មីបន្ថែមលើកុងត្រាបច្ចុប្បន្នរបស់គាត់នៅ Camp Nou ដែលមានសុពលភាពរហូតដល់ខែមិថុនា ឆ្នាំ 2025។
គ្រូបង្វឹកវ័យ 43 ឆ្នាំរូបនេះក៏បានបង្ហើបដោយផ្ទាល់ផងដែរ នៅមុនពេលនៃការប្រកាសរបស់ក្លឹប។ មិនយូរប៉ុន្មាន ពេលនេះ Barcelona បានបញ្ជាក់ជាផ្លូវការណ៍ហើយថា Xavi Hernandez បានចុះកុងត្រាថ្មីជាមួយក្លឹប រហូតដល់ចុងបញ្ចប់នៃរដូវកាល 2024-2025 ជាមួយនឹងជម្រើសបន្ថែម 1 ឆ្នាំពីលើនោះទៀតផងដែរ។
គួររំលឹកផងដែរថា Xavi Hernandez ដែលជាអតីតកីឡាករឆ្នើមមួយរូបរបស់ក្លឹបយក្សកាតាឡាន់ បានវិលមក Barcelona វិញក្នុងនាមជាគ្រូបង្វឹក កាលពីខែវិច្ឆិកា ឆ្នាំ 2021 ហើយគាត់បានដឹកនាំក្រុមឲ្យឈ្នះបាន 60 ប្រកួត ក្នុងចំណោមប្រកួតសរុប 96 លើក ដោយមានស្មើ 17 ប្រកួត និងចាញ់ 19 ប្រកួត។
Xavi Hernandez បានស្រោចស្រង់ក្លឹបដែលធ្លាក់ក្នុងស្ថានភាពដ៏លំបាក ឲ្យត្រឡប់មកភាពល្អប្រសើរវិញ ដោយមានទាំងការឈ្នះពាន La Liga និង Spanish Super Cup កាលពីរដូវកាលមុនផងដែរ។ ទោះជាយ៉ាងណា ក្រោមការដឹកនាំរបស់បុរសសញ្ជាតិអេស្ប៉ាញរូបនេះ Barcelona មិនធ្លាប់ឡើងផុតវគ្គចែកពូលនៃពានរង្វាន់ UEFA Champions League នៅឡើយទេ ហើយអ្នកគាំទ្រសង្ឃឹមថា រដូវកាលនេះក្លឹបរបស់ពួកគេនឹងអាចលេចធ្លោរខ្លាំងនៅ UCL បន្ទាប់ពីមានកីឡាករចំណូលថ្មីល្អៗជាច្រើនបានមកដល់ទឹកដី Camp Nou។
ប្រភព: Sportsmole
-
បាល់ទាត់អន្តរជាតិ2 days ago
ជាប់ពិន័យមិនឲ្យលេងបាល់ទាត់ ពេលនេះ Paul Pogba ត្រៀមបង្ហាញខ្លួនក្នុងខ្សែភាពយន្តថ្មីមួយ
-
បាល់ទាត់អន្តរជាតិ1 day ago
អាជ្ញាកណ្តាលកាត់សេចក្ដីរវាង PSG និង Dortmund បានយំ ក្រោយចប់ការប្រកួត! នេះជាមូលហេតុ ដ៏រំជួលចិត្ត
-
បាល់ទាត់អន្តរជាតិ3 days ago
West Ham United ប្រកាសពីការចែកផ្លូវគ្នាជាមួយ David Moyes នាចុងបញ្ចប់នៃរដូវកាលនេះ