បាល់ទាត់អន្តរជាតិ
ប៉ះគីឡូធ្ងន់ Atletico Madrid នៅថ្ងៃច័ន្ទនេះ Jude Bellingham អាចនឹងអវត្តមាន
ក្លឹបអធិរាជស Real Madrid កំពុងសម្លឹងមើលជ័យជំនះបន្តទៀត បន្ទាប់ពីពួកគេបានចាប់ផ្តើមរដូវកាលដ៏ល្អឥតខ្ចោះរបស់ខ្លួន ដោយមិនទាន់ស្គាល់ចាញ់។ ទោះជាយ៉ាងណាក៏ដោយ បីពិន្ទុនៅប្រកួតបន្ទាប់នេះគឺជារឿងដែលមិនសូវងាយស្រួលឡើយ ដោយពួកគេនឹងត្រូវតតាំងជាមួយ Atletico Madrid ដែលជាបងធំមួយនៅលីគជាមួយគ្នា។
Real Madrid នឹងត្រូវធ្វើដំណើរទៅកាន់ទីក្រុង Wanda Metropolitano ដើម្បីជួបគូប្រជែង Atletico Madrid ដែលការប្រកួតនឹងធ្វើឡើងនៅថ្ងៃទី 25 ខាងមុខនេះ វេលាម៉ោង 2 ទៀបភ្លឺ (ម៉ោងនៅកម្ពុជា)។ ជាមួយនឹងការជួបគូប្រជែងដ៏តានតឹងនោះដែរ ខ្សែបម្រើឆ្នើម និងជាកីឡាករចំណូលថ្មី Jude Bellingham កំពុងស្ថិតក្នុងការសង្ស័យថា គេអាចនឹងអវត្តមាននៅក្នុងការប្រកួតនោះ ដោយសារបញ្ហាសុខភាព។
យោងតាមការចុះផ្សាយរបស់កាសែត Dailymail UK កាលពីម្សិលមិញ បានឲ្យដឹងថា កីឡាករសញ្ជាតិអង់គ្លេសរូបនេះ បានចាកចេញពីទីលានហ្វឹកហាត់មុនកំណត់ ដោយសារបញ្ហាក្រពះ។ ពេលវេលានៃការប្រកួតនៅសល់ត្រឹមតែ 2 ថ្ងៃទៀតប៉ុណ្ណោះ ដែលធ្វើឲ្យគេសង្ស័យថា Jude Bellingham មានបញ្ហាសុខភាព ហើយនឹងអវត្តមានក្នុងការប្រកួតដ៏សំខាន់ទល់នឹង Atletico Madrid ដែលជាការប្រកួតក្របខណ្ឌ La Liga។
ប្រភព: Dailymail UK
-
បាល់ទាត់អន្តរជាតិ3 days ago
Man City កំពុងស្វែងរកឱកាសលក់ខ្សែប្រយុទ្ធស្លាប Jack Grealish
-
បាល់ទាត់អន្តរជាតិ2 days ago
Man United កំពុងរៀបចំសំណើរទិញខ្សែប្រយុទ្ធ Ollie Watkins របស់ Aston Villa
-
បាល់ទាត់អន្តរជាតិ2 days ago
Aston Villa ដណ្ដើមបានកៅអីលេង UEFA Champions League ជាលើកដំបូង ក្រោយខកខានតាំងពីឆ្នាំ 1983 មក