បាល់ទាត់អន្តរជាតិ
Messi ចង់ឲ្យក្លឹបរបស់ខ្លួន ចុះហត្ថលេខាផ្ទេរ Luka Modric
Lionel Messi ត្រូវបានគេរាយការណ៍ថា ចង់បាន Luka Modric មកលេងជាមួយគាត់នៅ Inter Miami ខណៈដែល David Beckham ក៏បានជួបនិយាយជាមួយខ្សែបម្រើរបស់ក្លឹប Real Madrid រូបនេះរួចហើយដែរ។ យ៉ាងណាមិញ មានការរំពឹងទុកថា Luka Modric នឹងផ្ទេរមកលីគកំពូលនៃសហរដ្ឋអាមេរិច MLS នៅឆ្នាំក្រោយ។
ខ្សែបម្រើជើងចាស់សញ្ជាតិក្រូអាតរូបនេះ មិនសូវលេងបានទៀងទាត់បន្តទៀតឡើយសម្រាប់ Real Madrid ក្នុងរដូវកាលថ្មីនេះ ដោយសរុបក្នុងចំណោមប្រកួតបើកឆាកទាំង 8 ប្រកួតនៅ La Liga គាត់លេងបាន 205 នាទីប៉ុណ្ណោះ ខណៈដែលវ័យរបស់ខ្លួនកាន់តែចាស់ និងការព្យាយាមប្រើប្រាស់កីឡាករក្មេងៗរបស់លោក Carlo Ancelotti។
នៅចុងបញ្ចប់នៃរដូវកាលឆ្នាំ 2023-2024 នេះ Modric នឹងក្លាយជាកីឡាករដែលគ្មានតម្លៃខ្លួន ស្របពេលដែលបច្ចុប្បន្នគាត់មានអាយុ 38 ឆ្នាំហើយ។ ទន្ទឹមនឹងនេះដែរ អតីតកីឡាករមួយរូបរបស់ក្លឹប Real Madrid គឺលោក Predrag Mijatovic បានអះអាងថា ក្លឹប Inter Miami មានគោលដៅចុះហត្ថលេខាផ្ទេរខ្សែបម្រើរបស់ក្លឹប Real Madrid រូបនេះ បន្ទាប់ពីមានការណែនាំពី Lionel Messi ដែលបច្ចុប្បន្នជាកាពីតែនក្រុមនៅទីនោះ។
Luka Modric មានភាគរយខ្ពស់បំផុតក្នុងការផ្ទេរទៅចូលរួមជាមួយ Inter Miami ខណៈដែលប្រធានក្លឹបលោក David Beckham មានទំនាក់ទំនងដ៏រឹងមាំជាមួយខ្សែបម្រើរបស់ Real Madrid រូបនេះ។ ដូចគ្នានេះដែរ កាលពីប៉ុន្មានខែមុន គេក៏បានឃើញ Luka Modric ធ្វើដំណើរកម្សាន្តជាលក្ខណៈគ្រួសារជាមួយនឹង Luka Modric ទៀតផង។
ប្រភព: Goal
រឿងរ៉ាវប្លែកៗទាំង 7 យ៉ាង ដែលអ្នកទាំងអស់គ្នាមិនធ្លាប់ដឹងពី Marco Reus
Barcelona កំពុងពិចារណាលក់ខ្សែបម្រើវ័យ 21 ឆ្នាំរបស់ខ្លួននៅរដូវក្ដៅនេះ!!!
Mbappe កំពុងចរចាទិញផ្ទះរបស់ Sergio Ramos ដែលស្ថិតនៅក្នុងទីក្រុង Madrid
សហព័ន្ធប្រកាសពីការចាកចេញរបស់លោក Keisuke Honda ក្នុងតួនាទីជាគ្រូបង្វឹកក្រុមជម្រើសជាតិឈុតធំ
Lisandro Martinez ថា កីឡាកររូបនេះគឺល្អបំផុត មិនអាចប្រៀបធៀបជាមួយនឹងនរណាម្នាក់បានឡើយ
