បាល់ទាត់អន្តរជាតិ
Napoli ត្រៀមប្តឹងក្រុមហ៊ុនផលិតតុក្កតាក្មេងលេងដែលលក់រូបរបស់ Osimhen
ក្លឹប Napoli ដែលជាក្លឹបម្ចាស់ជើងឯក Serie A បានប្រកាសថា ពួកគេនឹងចាត់វិធានការផ្លូវច្បាប់ចំពោះហាងលក់ប្រដាប់ប្រដាក្មេងលេងនៅក្នុងប្រទេសអ៊ីតាលី ដែលផលិតរូបតុក្កតាស្រដៀងនឹងកីឡាកររបស់ខ្លួន។ យ៉ាងណាមិញ Napoli បានអះអាងថា ការផលិតតុក្កតាដែលស្រដៀងនឹងរូបរាងរបស់ Victor Osimhen នោះគ្មានអាជ្ញាប័ណ្ណត្រឹមត្រូវឡើយ។
យើងអាចគិតថា នេះមិនមែនជារឿងធំដុំនោះទេ ប៉ុន្តែអ្វីដែលធ្វើឲ្យ Napoli មិនពេញចិត្តនោះ ព្រោះមិនមែនមានលក្ខណៈតូចតាចឡើយ ដោយតុក្កតារបស់ Osimhen មានភាពល្បីល្បាញពេញបណ្ដាញសង្គម។ លក្ខណៈពិសេសរបស់តុក្កតានោះ គឺជារបាំងការពារមុខលេខ 9 អាវពណ៌ខៀវស្រាល និងសក់រួញទង់ដែង។
Napoli បានចេញសេចក្តីថ្លែងការណ៍មួយកាលពីល្ងាចថ្ងៃព្រហស្បតិ៍ម្សិលមិញ ដោយបញ្ជាក់ថា តុក្កតានេះមិនត្រូវបានអនុញ្ញាតដោយក្លឹប រឺ Osimhen ផ្ទាល់នោះទេ ដូច្នេះហើយមានន័យថា ពួកគេកំពុងរំលោភលើកម្មសិទ្ធិបញ្ញានៃរូបភាពរបស់គាត់។ Napoli គ្រោងនឹងកោះហៅក្រុមហ៊ុនផលិតតុក្កតានោះទៅតុលាការ ប៉ុន្តែវាជាស្ថានភាពដ៏ចម្រូងចម្រាសមួយផ្សេងទៀតជុំវិញ Osimhen ដែលខ្សែប្រយុទ្ធរូបនេះកំពុងចង់ប្ដឹង Napoli ដែរ។
ប្រភព: Dailypost NG
-
បាល់ទាត់អន្តរជាតិ3 days ago
Jurgen Klopp អាចនឹងត្រឡប់ទៅអតីតក្លឹបចាស់មួយនេះវិញ!!!
-
បាល់ទាត់អន្តរជាតិ2 days ago
Thomas Tuchel បើកចិត្តក្នុងការចង់មកដឹកនាំនៅបិសាចក្រហម
-
បាល់ទាត់អន្តរជាតិ3 days ago
Michael Owen អះអាងថា រវាង Real Madrid និង Bayern Munich នឹងមានមួយក្រុម ដែលឈ្នះពាន UCL រដូវកាលនេះ!!!