បាល់ទាត់អន្តរជាតិ
គ្រាប់បាល់របស់ Joao Cancelo ជាប់ជាគ្រាប់បាល់ល្អបំផុតប្រចាំខែរបស់ La Liga
ខ្សែការពារស្ដាំ Joao Cancelo របស់ Barcelona បានឈ្នះពានរង្វាន់គ្រាប់បាល់ល្អបំផុតប្រចាំខែកញ្ញា សម្រាប់ក្របខណ្ឌ La Liga ដែលគ្រាប់បាល់នោះគាត់បានស៊ុតបញ្ចូលទីនៅក្នុងការប្រកួតទល់នឹង Real Betis កាលពីពាក់កណ្ដាលខែមុន។ កីឡាករសញ្ជាតិព័រទុយហ្គាល់រូបនេះ ក៏បានរួមចំណែកដ៏សំខាន់ ក្នុងការយកឈ្នះ 5-0 សម្រាប់ Barcelona ផងដែរ នៅក្នុងប្រកួតនោះ។
ក្រៅពីកំណត់ត្រាជាគ្រាប់បាល់ល្អប្រចាំខែ វាក៏ជាគ្រាប់បាល់ដំបូងរបស់ Joao Cancelo ក្នុងនាមជាកីឡាកររបស់ក្លឹបយក្សកាតាឡាន់ផងដែរ គិតចាប់តាំងពីគាត់បានផ្ទេរពីអតីតក្លឹបចាស់ Manchester City។ គ្រាប់បាល់របស់ Joao Cancelo បានយកឈ្នះគ្រាប់បាល់ល្អៗពីរផ្សេងទៀតរបស់ Javi Guerra និងគ្រាប់បាល់ហ្វ្រីឃីគរបស់ Willian Jose។
កីឡាករដែល Barcelona បានខ្ចីជើងពី Manchester City រូបនេះ កំពុងរីករាយជាមួយនឹងការចាប់ផ្តើមយុទ្ធនាការរដូវកាលដំបូងរបស់ខ្លួនយ៉ាងល្អ ជាមួយនឹងការបង្ហាញខ្លួនចំនួន 5 ប្រកួតនៅក្របខណ្ឌ La Liga ដោយរកបានគ្រាប់បាល់ស៊ុតបញ្ចូលទីបាន 2 គ្រាប់ និង Assists ម្ដងផងដែរ។
ប្រភព: Barcablaugranes